Beto-trinkaĵo

1907599_10203633721233300_1834735054_nBetotrinkaĵo je 5 minutoj:

Ingrediencoj por du homoj:
• 3 karotoj.
• 1 pomo.
• 1 beto.

Preparado:
1. Bone purigi la ingrediencojn per legombroŝo.
2. Kirli ĉiujn ingrediencojn per kirlilo, filtri kaj servi.

Terapeŭtikaj efikoj:
• Kontraŭoksidiga. • Revivliga. • Kontraŭkancera. • Aldonas bonkvalitan sukeron al nia korpo. • Stimulas la bonan funkciadon de la lieno, pankreato kaj hepato. • Ĝi aldonas bet-karotenojn, naturaj antaŭantoj de la vitamino A, ŝirmanto de la haŭto kaj aliaj organoj. • Riĉa je vitaminoj B3, B6, B9. • Riĉa je vitaminoj C kaj E. • Ĝi donas mineralojn kiel kalcio, zinko, kalio, nepraj por la homa korpo. • Alta enhavo de vegetaĵa fibro. • Ĝi protektas nin de la malvarmumo. • Diureziga. • Refreŝiga. • Sangelpuriga.​10155757_10203633719833265_272095200_n

Konsilita por:
• Fortigi kaj prepari la haŭton por sunumado. • Malfruigo de la ĉela maljuniĝo. • Tre refreŝiga kaj sangelpuriga. Trinkata inter manĝoj ĝi estos bona helpanto en ajna kontraŭtoksikiga dieto. • Sportistoj. Ĝi estas tuja energifonto kaj aldonas vitaminojn kaj mineralojn. • Maldikigaj dietoj. • Fumantoj aŭ personoj kun maltaltaj korpdefendiloj. • Malpliigo de la efektoj de media poluado. ​

Ideala por:
• La ideala momento por ĉi tiu kirlaĵo estas la vespero ĉar ĝi potencigas sian efekton sur malsamajn organojn de la digesta sistemo. • Rekuperigi la organismon post tago da sunumado. • Post sportumado nin helpos reakvumigi la organismon kaj rekuperi sukerojn, vitaminojn kaj mineralojn. • Ideala kiel trinkaĵo por infanoj, junuloj kaj maljunuloj.

El la retejo de David Gasol.

La laktaĵoj

Glas_melkLa homo estas la nura mamulo kiu daŭre trinkas lakton post infanaĝo. Ne nur tio, sed ankaŭ trinkas la lakton de alispeciaj mamuloj, kun aliaj trajtoj tre malsamaj al niaj.

Patrina lakto estas bongusta, riĉa je sukeroj por la propra evoluo de la beba nervosistemo, kaj kun la ĝusta kvanto de proteino, graso, mineraloj kaj vitaminoj kiujn la homo bezonas.

Logike, ĉiu besto produktas lakton por la bezonoj de sia propra specio. Unu bovido ĉe naskiĝo pezas ĉirkaŭ 40 kg kaj post semajnoj ĝi pezas pli ol 200 kilogramojn, multobligante la volumon. Pri tio, la bovina lakto kompare kun la homa lakto estas pli riĉa je proteino kaj graso.

Ĝenerale, lakto kaj laktaĵoj, fromaĝo kaj jogurto, agos en nia korpo okazigante: • Alergiojn. • Netolerecon. • Mukon kaj spirmalsanojn (astmo, sinusito, ktp).

• La kombinaĵo de malvarmo, lakto kaj sukero de la glaciaĵo ofte kaŭzas otiton. • Pro bioakumulado ni prenos ĉiujn antibiotikojn kaj hormonojn administritajn al bestoj. • Altan enhavon de saturitaj grasoj. Plejmulto el la fromaĝoj estas formitaj de pli ol 60 % da graso.

Tamen, la laktindustrio argumentas, ke lakto kaj ties derivaĵoj estas fontoj de kalcio kaj probiotikoj por nia intesta flaŭro.

La absorbado de kalcio en la korpo dependas de la ekvilibro de ĉi tiu kun aliaj mineraloj kiel magnezio kaj vitamino D. Bovina lakto estas malalta je magnezio kaj alta je fosforo, kiu malfaciligas la absorbadon de kalcio.

Kaj koncerne al probiotikoj, estas vero ke ili troviĝas en kelkaj fermentitaj laktaĵoj kiel jogurto. Tamen, en la naturo estas aliaj probiotikaj fontoj liberaj de graso kaj sukero. Estas la plantdevenaj fermentaĵoj, kiel ekzemple pikloj, saŭrkraŭto (acida brasiko), miso, tempeo, sojsaŭco, ktp.

Rilate la kalcion, la plej bona fonto de mineraloj kiujn la naturo povas proponi, nature ekvilibra, asimilebla al nia korpo, kaj libera je grasoj kaj toksinoj estas:

• Algoj (Nori , kombu , dulse , wakame , Arame , ktp .) .

• Semoj, precipe la sezamoleo aŭ ties derivaĵoj kiel sezama pasto aŭ kremo.

• Sekigitaj fruktoj, kiel migdaloj kaj nuksoj .

• Verda legomo riĉe je folioj kiel brokolo, brasiko, laktuko kaj aliaj.

• Legumenoj, speciale kikeroj.

En la mondo ekzistas homoj kiuj pro ekonomiaj, kulturaj aŭ religiaj kialoj ne konsumis laktaĵon en sia vivo, kaj tamen kreskas sanaj kaj fortaj, nek suferas spontanajn frakturojn, aŭ malfruiĝon en la ostiĝo. Tiuj popoloj suferas malpli da malsanoj kiel osteoporozo kaj trodikiĝo ol en evoluintaj landoj kie konsumado de laktaĵo estas ĉiutaga.

 

Artikolo el la retejo de David Gasol.

Krokedoj el kikeroj

Ingrediencoj:

  • 3 tasoj da kuirita kikero;
  • 1 taso da raspita pano;
  • 1 cepo;
  • 2 ajleroj;
  • 1 kuirita karoto;
  • 1 kulereto da kumino;
  • 2 kuleretoj da petroselo;
  • 3 grandaj kuleroj da oleo.

Paŝoj:

  • Senŝeligu la cepon kaj la ajlerojn kaj miksu ilin kun la oleo kaj salo. Poste  kreu mason el la kikeroj kaj  aldonu la raspitan panon. Aldonu la ajlon kaj  la cepon, la karoton tre maldike tranĉitan, la petroselon kaj la kuminon. Miksu ĉion ĉi ĝis kreado de homogena kaj densa maso.
  • Kreu la formon de la krokedoj kaj jam eblas ilin manĝi, aŭ oni povas meti la pladon en fridujon kaj lasi ĝin tie dum duonhoro, kaj poste friti ilin, laŭplaĉe. Ek! La plado estas facile kuirebla, bongusta kaj tre nutriga!
  • (Laŭ apartaj ŝatoj oni povas aldoni pliajn aliajn ingrediencojn al la maso. Ekzemple: olivoj, maizo, bolkuirita legomoj, kaj tiel plu.)

Ekologiaj nutraĵoj

imagesNuntempe ni povas trovi milojn da kemiaĵoj en la merkato, inter kiuj estas pesticidoj, sterkoj, kaj aliaj, por eviti plagojn kiuj povas detrui rikolton, akceli la procezon de kresko kaj maturiĝo, aŭ maksimume uzi la kulturgrundojn. Ĉi tiuj produktoj povas rekte aŭ malrekte eniri en nian korpon per manĝaĵo.

Estas vaste demonstritaj la negativaj efikoj de tiuj kemiaĵoj en la korpo. Tamen, ilia uzo estas nun ege vasta, eĉ plimulta, atingante nin pere de fruktoj kaj legomoj, aŭ nerekte pere de poluita akvo aŭ bestoj.

Tiuj substancoj ankaŭ amasiĝas en niaj histoj, renoj, hepato, ostoj kaj graso, ili rekte damaĝas niajn esencajn organojn, la nervosistemon, kaj hormonan aktivecon. Ili ankaŭ estas ofta kaŭzo de kancero kaj plialtigas la riskon je malsaniĝo.

Pro tiuj kialoj, tre gravas la kultivado kaj konsumado de organikaj legomoj. Nutraĵoj naturaj, sanaj, kaj kun ĉiuj la nutrigaj propraĵoj.

En la ekologia produktado ne estas uzataj kunmetitaj kemiaĵoj aŭ kemia adobo. Nek estas uzataj transgenaj aŭ genetike modifitaj organismoj .

Ekologia agrikulturo estas amika por la medio, kaj naturaj cikloj, subtenante la sanon de la tero, akvo, bestoj kaj la ekvilibron inter ili.

Danke al ĝia natura maturiĝ-procezo ĉe la arbo mem, ĝiaj enhavo de sukero, vitaminoj kaj mineraloj estas pli alta, kiu donas pli bonan kvaliton al la produktoj, kaj el organoleptika kaj nutriga niveloj.

Ĉiuj produktoj kiuj estis markitaj per la stampo, kiu apogas ilin kiel nutraĵon je ekologia kultivado, trapasos striktajn kontrolojn por fina akcepto.

Konsumi ekologiajn produktojn donas sanon al vi, kaj helpas la konservadon de la medio por ni mem kaj estontaj generacioj kiuj povos ĝui ĉi tiun planedon kiel ni konas ĝin.

Artikolo el la retejo de David Gasol.

Fromaĝo el karoto kaj sezamo

Fromaĝo el karoto kaj sezamo, ideala por viaj pladoj:

Ingrediencoj: 

    350 gramoj da karoto, lavu ĝin bone kaj tranĉu en pecetojn.
    2 kuleretoj da nutricia gisto. Se vi ne trovas ĉi tiun giston, uzu do, nur kulereton de la alia pli akirebla gisto. 1 kulereto da margarino. Se vi ne havus margarinon eblas ankaŭ aldoni du kuleretojun da oleo.
    1 kulero da citronsuko
    1 natura jogurto el sojo (sensukera). Se vi ne havus ĝin, vi povus uzi tason da tofuo kirlita kun plia kulereto da citronsuko.
    1 taso da akvo
    2 kuleretoj da agaragaro
    3/4 da salo
    1/4 kulereto da kurkumo (ankaŭ konata kiel turmeriko)
    Sezamo (semoj): Vi povas uzi ilin por plibelaspektigi vian fromaĝon.

Kuirmaniero:

    1-En ujo metu la tranĉitajn karotojn kaj boligu ilin. Eblas kaj preferindas kuiri ili je vaporo aŭ en la forno, sed la tiuj tri manieroj ĝustas. Poste forĵetu la akvon.
    2-En tiu ujo aŭ en alia, ekaldonu la ceterajn ingrediencojn: Aldonu la margarinon, la giston, agaragaron, citronsukon, la jogurton, kurkumon kaj salon.
    3-Metu ĉion ĉi en kirlilon kaj kirlu ĝis farado de homogena kirlaĵo.
    4-Poste prenu ĉi tiun kirlaĵon kaj faru beĉamelon. Tio estas, metu poton sur fajron kaj aldonu la kirlaĵon kaj senĉese kaj cirkle movu ĝin per ligna kulerego ĝis boligado, lasu ĝin boli dum 3 aŭ 4 minutoj.
    5-Post tio, forigu ĝin el la fajro kaj poste verŝu ĝin en la muldilo(j)n. Lasu ĝin malvarmiĝi kaj poste metu en la fridujon kaj post tri horoj aŭ iom pli vi havos vian bongustan fromaĝon.

Sejtano

Saluton! Ĉu vi konas sejtanon? Ĝi estas estas ofte konata kiel vegetaĵa viando ĉar ĝi aspekte similas al viando. Krom tio kaj ĉefe, sejtano estas ideala manĝaĵo pro foresto de kolesterolo kaj graso kaj alta enhavo de proteinoj. Pro tiuj kialoj, ĝi estas pli leĝere digestebla ol la besta viando.

Farado de sejtano ne sekvas unuforman, rigidan manieron. En interreto abundas diversaj receptoj kaj ni elektis nian propran surbaze de rapideco kaj bongusteco sen perdo de la nutriciaj valoroj.

Ingrediencoj:

  • 2 tasoj da gluteno (se vi mem ne havas glutenon, ne gravas, eblas fari ĝin per tradicia tritikfaruno. Oni faru paston -tritikfaruno, akvo kaj salo- kaj metu ĝin en akvon dum pli malpli 45 minutoj. Post tio forigu la akvon kaj la gluteno estos akirata).
  • duontaso da sojsaŭco
  • Sekigitaj spicoj: petroselo, origano, timiano.
  • cepo kaj aljo sekigitaj kaj pulvorigitaj
  • 2 tasoj da akvo.

Paŝoj:

  • En ujo ni metas la glutenon, spicojn kaj, akvon kaj sojsaŭcon. Ni devas knedi ĝin ĝis pastoformiĝo. Ĝi iĝas preskaŭ tuje. Tamen, knedu kelkajn minutojn pli.
  • Se vi volas doni formon, kovru ĝin per ‘travidebla plasta kuirpapero’ (farante rulaĵon)
  • Preparu kaserolon kun akvo kiu kovru nian rulaĵon kaj aldonu al ĝi sojsaŭcon kaj salon se necese.
  • Lasu ĝin sur kuirforno dum minimume 45 minutoj kaj de tempo al tempo rigardu kaj tuŝu ĝin.
  • Fine, forigu la akvon kaj konservu ĝin en la glaciŝranko envolvita.

Uzoj: Sejtanon oni manĝas laŭ multaj manieroj: fritita, rostita, kun pano, kun salatoj, oni uzas ĝin laŭplaĉe. Provu manĝi ĝin kiel aperas en la bildo: dispecigita sejtano fritita kun malmulte da oleo kaj memfarita saŭco el papriko, ajlo kaj cepo. Aldonu salaton kun beto, maizo, kikeroj, pizoj, tomato kaj ĉion kion vi volas! Bonan apetiton!!10009305_10203554809180548_422325992_n