Terpombuloj farĉitaj per haketita sojviando kaj olivoj ;)

Hej saluton! Kiam mi estis infano kaj loĝis en Kubo, frapita pro la subita falo de la Fera Kurteno kaj de Sovetunio, komencis malaperi multaj manĝaĵoj kaj la restantaj iĝis tre multekostaj kaj multegaj pro malsato forlasis la landon. Unu el la tiamaj restantaj manĝaĵoj ne tro kostaj estis la terpombuloj kiujn mi multege ĝuis sed eĉ ilin mi ne tro ofte manĝis ĉar mankis mono hejme por ke mi povu manĝi ilin postlerneje. Poste kiam la krizo pliakriĝis mi memoras ke kelkfoje mia panjo aĉetis ilin ĉar ili estas sufiĉe satigaj kaj relative pli etkostaj ol aliaj manĝaĵoj kaj interne ili havis viandon eĉ se tre malmulte. 

Rememorante mian infanaĝon mi faris ĉi tiujn terpombulojn kun teksturigita sojo kaj aldonis olivojn kiuj donas al ĝi tre bonegan guston kaj malfermas ĉies apetiton! La recepto vere simplas sed nur postulas iomete da laboro sed ne komplika, kredu min!

Ingrediencoj por kvar homoj

  • 5 terpomoj
  • Raspita pano
  • 250 gr da teksturigita sojo (fajna)
  • 1 cepo fajne tranĉita
  • 2 ajleroj pistitaj
  • 1/2 ruĝa kapsiko tre fajne tranĉita
  • 1/2 supkulero da origano
  • 1/2 kafkulero da timiano
  • 4 supkuleroj da tomatsaŭco
  • 10 verdaj olivoj tranĉitaj
  • Olivoleo
  • Salo
  • Nigra pipro
  • Faruno el tritiko aŭ kikero.

Paŝoj:
Farĉaĵo:

  • Unue lasu la sojon en akvo minimute tridek minutojn. Poste varmigu la oleon kaj aldonu la cepon kune kun la kapsikoj tre bone tranĉitaj.
  • Post kelkaj minutoj aldonu la teksturigitan sojon (forigu la akvon), miksu, movu kaj lasu ĝin kuiriĝi 2-3 minutojn kaj sekve aldonu la tomatsaŭcon.
  • Aldonu duonglason da akvo, salon, origanon timianon, kuminon kaj la olivopecojn. Movu ĉion bone kaj ŝtupo la paton kaj lasu tion kuiriĝi 5-7 minutojn ke mez-malalta fajro. Se post tiu tempo ĝi ankoraŭ havus sufiĉe da likvaĵo altigu la fajron por forigi ĝin pli rapide. Elfajrigu ĝin kaj konservu.

Terpomkovraĵo:

  • Kuiru la terpomojn en akvo kun iom da salo. Lasu ilin boli ĝis la terpomoj estu tute kuiritaj. Faru el ĝi paston premante la terpomojn per ilo. Povus esti per forko. lasu ĝin malvarmiĝi por ke la buloj ne rompiĝu.
  • Post kelkaj tempo (por plirapidigi ĝin, metu en fridujon la paston), uzu plastan sakon, prenu manplenon da pastokaj disfaldigu ĝin ĉe la sako kaj doni al ĝi rondan formomn kaj en ĝia centro aldonu kuleron da sojviando. Per la du manoj delikate fermu la sakon kaj premu ĝin por ke la pasto havu fortan kaj kompaktan konsiston kaj ne rompiĝu. La fina formo devos esti kiel bulo 🙂
  • Post farado de ĉiuj buloj (ĉirkaŭ 8-10 verŝajne) faru likvaĵon surbaze de faruno (tritika aŭ kikera 60 gr, 100 ml da akvo kaj salo) kaj poste ĉe la raspita pano. Lasu ilin friduje 10 minutojn dum preparado de salato por manĝi ilin.
  • Fritu ilin en pato kun abunda kaj varma oleo (ĝi estu tre varma ĉar la buloj povus rompiĝi). Fritu iom post iom kaj servu kun via salato kaj jam pretas! Bonan apetiton!

Konsilo: Se vi ne ŝatas la teksturigitan sojon aŭ vi ne havas ĝin, la farĉaĵon vi povus facile fari ekzemple el ĉampinjonoj, lentoj (selikvaj), pizoj, ktp! Simple uzi vian imagkapablon!

 

Vegana musako el melongeno kaj sojo teksturigita

 

Saluton amikoj!
Hodiaŭ mi volas instrui al vi kiel fari facilan, sanan kaj bongustan pladon el la greka kuirarto kiu estas unu el la plej internacie konataj el Grekio. Verdire temas pri orienteŭropa kaj mezorienta plado kiu verŝajne estis araba, laŭ vikipedio ĝia nomo “musakás” estas grekigo de araba vorto. Ĝi disvastiĝis Eŭropen tra la greka varianto. Mi prezentas ĝin laŭ la greka maniero fari ĝin kvankam ĝi eĉ havas plurajn versiojn. Tradicie ĝi havas haketitan viandon sed mi anstataŭis ĝin per fajna teksturigita sojo kiu multe similas sed se vi ne havas aŭ simple ne volas ĝin uzi, aliaj versioj inkluzivas boligitajn tranĉitajn terpomojn, precipe en la kuirartoj rumana, bulgara, serbia, bornia…). Kiel ajn, sentu vin libera fari musakon laŭ viaj ĉemanaj ingrediencoj 🙂

Ingrediencoj (por du homoj):

  • 25 gr. da fajna teksturigita sojo (eblas anstataŭi ĝin per lentoj ankaŭ (kuiritaj kaj senlinkvaj)
  • 125 ml da legomsupo (eblas ankaŭ unu legomsupa kvasrateto kun litro da varma akvo)
  • Muskato
  • 2 melongenoj
  • 1 ajlero
  • 1 cepo
  • 20 gr. da margarino
  • Olivoleo
  • Salo
  • Nigra pipro
  • 130 ml da vegetaĵa lakto (soja, riza aŭ avena)
  • Kafkulero da sukero
  • 1 tomato natura muelita (ĉ. 50 gr)
  • 12 gr da maizamelo (”Maizena”)

Paŝoj:

  • Unue ni tranĉu lamene (2 centimetrojn larĝe) la melongenojn kaj malavare aldonu salon ambaŭflanke kaj lasu ilin sur kuireja papero. Lasu ilin tie ripozi 30 minutojn. Tiel ili perdos parton de la akvo kaj tipa maldolĉeco karakteriza de la melongeno. Post tiu tempo la plej grandajn lamenojn el melongeno konservu kaj la plej malgrandajn tranĉu kvadratete.
  • En poto kun la legomsupo aldonu la teksturigitan sojon por hidratiĝo (10 min.)
  • Tranĉu bone la ajlon kaj la cepon. Aldonu ilin al pato kun iom da olivoleo kaj kiam ĝi estos varma aldonu lña ajlon, la cepon kaj la tranĉitan melongenon. Lasu ĝin kuiriĝi dum 5 kaj 7 minutoj. Kiam la cepo estu travidebla, aldonu la muelitan tomaton kaj iomete da sukero pro la acideco. Lasu ĝin kelkajn minutojn pli.
  • Poste aldonu la teksturigitan sojon sen akvo kaj daŭre kuiru ĝin. Se vi rimarkus ke la farĉaĵo malsekiĝas, aldonu iom pli da legomsupo. Gustumu ĝin, salu se necese kaj aldonu iom da nigra muelita pipro.
  • En pato kun nur iomete da olivoleo rostetu la lamenojn el melongeno. Konservu ĝin en aparta telero.

Beŝamelo:

  • Une miksu la maizamelon kun iom da malvarma akvo, preskaŭ nur duonglaso aŭ eĉ malpli. Konservu.
  • Sur faro metiu kaserolon kun la margarino, kaj kiam ĝi estu likva, aldonu la vegetaĵan lakton. Salu se necese kaj aldonu muskaton. Sekve aldonu maizamelon kaj ne ĉesu movi ĝin ĝis akiro de kremeca teksturo. Konservu.
  • En ujo taŭga por ĝi, povas esti tasego, kreu unu tavolon el melongeno, alia el farĉaĵo kaj alia el melongeno kaj tiel ĝis atingo de la bordo, sen superbordiĝo. Kovru per la beŝamelo kaj ornamu laŭplaĉe kun iom da rosmareno.
  • Metu ĝin en la fornon antaŭe varmigita je 200°. Lasu ĝin forne dum 15 aŭ 20 minutoj kaj post tiu tempo ĝi estos preta!

Bonan apetiton!

Andaluza gazpaĉo, legoma malvarma supo ;)

Saluton! Bone, kiel vi scias, tradiciaj pladoj ofte havas diversajn versiojn laŭ la regionoj kie ili evoluis. Same okazas pri gazpaĉo, la plado kiun mi volas prezenti al vi. Receptoj pri ĝi multe varias, ekzemple, kelkaj inkluzivas karotojn, aliaj forigas la tomatsemojn kaj senŝeligas ilin. Kelkaj ankaŭ aldonas verdan pomon, kukumon kaj lastatempe ekmodiĝis gazpaĉoj el akvomelono, fragoj, ĉerizoj, ktp.

Mi sincere devas diri ke gazpaĉon mi ne tro ŝatas ĉar temas pri malvarma supo kaj tiajn manĝaĵojn kutime mi evitas, mi ne scias kial, sed gazppaĉo estas vere disvastiĝinta plado kies andaluza versio estas la plej konata kaj disvastigata kaj ĝin mi volas montri al vi laŭ ĝia tradiciaj ingrediencoj (pano, kapsiko, tomato, kukumo kaj ajlo).

Ingrediencoj por andaluza gazpaĉo (kvar glasoj):

  • 1 kg da tomatoj tre maturaj
  • 1 verda kapsiko (ĉ. 60 gr)
  • 1 peco da kukumo (ĉ. kvar fingroj larĝe)
  • 1 peco da cepo (ĉ. 100 gr)
  • 1 peco da pano (ĉ. 50 gr)
  • 1 ajlero
  • 3 kuleroj da olivoleo
  • 3 kuleroj da vinagro el blanka vino
  • 1 eta kulero da salo
  • Laŭplaĉe: 1/2 verda pomo kaj malvarma akvo.

Paŝoj:

  • Unue lavu bone la tomatojn, la verdan kapsikon kaj la kukumopecon. Senŝeligu ilin, forigu la semojn de la kapsiko kaj tranĉu ilin je mezgrandaj pecoj. Same tranĉu la cepon kaj aldonu ĉion en miksaparaton kune kun la ajlero.
  • Nun kirlu ĉion bone ĝis ne restu eroj. Nun aldonu salon, oleon kaj vinagron. Mi konsilas komence nur tri kulerojn da vinagro, kirlu kelkajn sekundojn kaj se vi preferas iom pli da vinagro aŭ salo, profitu kaj nun faru.
  • Se vi aldonas panon, la gazpaĉo povas iĝi pli densa, ĉio dependos de via persona gusto ĉu vi volas ĝin pli likva aŭ pli densa 😉
  • Metu ĝin en la fridujon kaj lasu malvarmiĝi. Servu ĝin kun etaj tranĉaĵetoj el tomato, cepo, kukumo kaj verda kapsiko kaj ĝuu!

Bunta krudvegana lasanjo!

Tre malofte  mi manĝas nur krudveganajn manĝaĵojn eĉ se iam mi planis iĝi krudvegano sed tio nur daŭris unu monaton! En tiu epoko mi faris kelkajn krudveganaĵojn (braŭnion, pomtorton , makadamian  fromaĝon kaj glaciaĵon) por ĉi tiu retpaĝaro 😉 Tio ne signifas ke mi ne ŝatas krudaĵojn sed krudveganismo postulas sufiĉe da disciplino kaj antaŭpreparado  de multaj manĝaĵoj kaj limigo de socia vivo ĉar preskaŭ ne eblas manĝi tute krude eksterhejme, eĉ ne en veganaj restoracioj. Tial do, multaj homoj kiuj nomas sin krudveganoj vere manĝas altprocente krude, ĉefe hejme, sed ekstere ili cedas kaj manĝas kuiraĵojn. Samkiel ni multfoje rekreas aŭ imitas tradiciajn pladojn laŭ vegana versio. krudveganoj same faras, sed ĉi foje, ĉiuj ingrediencoj ne nur estas nebestaj sed ankaŭ krudaj. Ĉi foje mi proponas al vi fari ĉi tiun buntan, nutrigan kaj freŝan manĝaĵon kiu imitas la tradician italan pladon ”lasanjo”. Certe multaj el vi iam manĝis ĝin ĉar lasanjo tre popularas ne nur en Italio, de kie ĝi devenas, sed ankaŭ en multaj landoj de la mondo. Ĝi havas simplajn ingrediencojn kaj rapide  fareblas. Tamen, por ĉi recepto ni devas havi mandolinon, kiu estas kuireja ilo por fajne fari lamenojn el kukurbetoj. Se vi ne havas ĝin, mi rekomendas fari per sufiĉe bonkvalita tranĉilo kaj lerte fari la lamenojn.

Ingrediencoj:

  • 1 kukurbeto
  • 1 avokado
  • 1 cepo
  • Petroselo
  • 1 tomato
  • 6 ĉampinjonoj
  • Valerianelo
  • Olivoleo
  • Salo.
  • Citronsuko

Paŝoj:

  • Unue ni lamenigu fajne la kukurbeton per la mandolino kaj lasu ĝin ripozi kun iom da salo dum kelkaj minutoj.
  • Faru kremon el avokado. Tretu per forko la karnon de la avokado kaj aldonu al ĝi iom da citronsuko, tre fajne tranĉita cepo kaj salo.
  • Lasu almenaŭ dum duonhoro la ĉampinjonojn lamenigitajn kun olivoleo, citronsuko kaj salo.
  • Tranĉu kvadratete la tomaton.

 

Nun la muntado

: Prenu muldilon, kaj unue disfaldigu la kukurbetlamenojn, sekve ĉampinjonoj, valerianelo, avokadkremo, tomateroj, denove kukurbetlamenoj, ĉampinjonoj, valerianelo, avokadkremo, tomateroj kaj fine kukurbetlamenoj denove. Supre vi povas ĝin ornami per ĝermoj aŭ per pli da avokadkremo, aŭ per diserigita seka frukto kia ternukso aŭ aveloj 🙂

Elmuntu ĝin rekte sur la telero kie vi lasos ĝin kaj ornamu la teleron per ĉeriztomatoj! Kaj jam pretas, bonan apetiton!

 

 

Kukurbetoj farĉitaj per ĉampinjonoj kaj tofuo

Nun kiam la printempa suno sufiĉe forte brilas kaj brulas en Madrido kaj en granda parto de la norda hemisferio, mi emas prepari kaj manĝi pli malpezajn manĝaĵojn eĉ se mia amo al rizo kun fazeoloj aŭ guŝoj ĝenerale ne konas limojn 😉
Mi montros al vi kiel facile eblas prepari ĉi pladon: kukurbetoj farĉitaj per ĉampinjonoj kaj tofuo. Unu el la facilaĵoj de veganaj manĝaĵoj estas la fleksebleco ŝanĝi ingrediencojn. Tiel do, mi uzis tiujn ingrediencojn por la farĉo sed vi povas uzi aliajn laŭ viaj propraj plaĉoj aŭ profitante ion kion vi havas ĉemane 😉 Ĝuu samkiel mi ĝuis!!!

Ingrediencoj:

  • 4 kukurbetoj
  • 200 gramoj da ĉampinjonoj
  • 1 cepo
  • 100 gramoj da tofuo
  • 2 kuleroj da olivoleo
  • 2 kuleroj da sojsaŭco
  • Pinĉaĵo da papriko
  • ½ kulereto da salo
  • Bier-gisto (opcie)

 

Paŝoj:

  • Ni varmigu la fornon je 250º C.
  • Ni tranĉu la kukurbetojn en du partojn laŭlonge kaj pere de kulero kaj tranĉilo, ni forigu ĝian pulpon (sed rezervu ĝin!). La kukurbetoj devos resti kiel etaj boatoj. Ni disŝutu salon kaj metu en la fornon dum 25 minutoj.
  • Dum la kukurbetoj sin bakas venas tempo por prepari la farĉon. Ni tranĉu fajne la cepon, la ĉampinjonojn kaj la kukurbeto-pulpon kiun ni antaŭe rezervis.
  • Ni varmigu du kuleretojn da olivoleo sur fritilo je mezfajro. Aldonu la cepon kaj lasu ĝin kuiri du minutojn. Poste ni aldonu ĉampinjonojn, la pulpon, la salon kaj la paprikon. Ni lasos tion dek minutojn pli, sed ne forgesu movi tion ofte.
  • Aliflanke ni kirlu la tofuon kun la sojsaŭco ĝis sameca pasto.
  • En bovlo ni miksu la sofriton kun la kirlitan tofuon.
  • Kiam la kukurbetoj estos bakitaj, ni elfornigu ilin, kaj per kulero, ni farĉu ilin kun la rezultinta miksaĵo el tofuo kaj ĉampinjonoj.
  • Se vi aldonos biergiston, disŝutu ĝin kaj gratenu la kukurbetojn kvin minutojn pli en la forno.
  • Sevu ilin varme kun iom da freŝa petroselo tranĉita, ia saŭco laŭplaĉe kaj bonan apetiton!!!

Pano por burgeroj

En la lastaj monatoj mi komencis esplori pri burgeroj. Mi ŝatas ilin ĉar oni povas krei multegajn malsamajn burgerojn el tre diversaj ingrediencoj troveblaj laŭ la sezono, regiono aŭ propra aparta ŝato. Burgeroj povas esti el fazeoloj, rizoj, sojo, aveno, pizoj kaj tre ofte miksitaj… Sed ĉiam mi havis la saman problemon: La pano. Neniu el la aĉeteblaj panoj en ĉiuj supermarktoj madridaj konvinkis min. Ĉu pro la formo, ĉu pro la gusto aŭ ĉu pro la troa aldono de ĥemiaĵoj. Tial mi esploris kaj trovis ĉi tiun panon por burgeroj sed ankaŭ por manĝi alimaniere! 

Tiun ĉi panon mi faris sufiĉe rapide sed mi devas konfesi ke mi iom pigris kaj ne volis knedi dum 10 minutoj senĉese . Tial do, mi lasis ĝin ripozi du horojn kaj bone funkciis! Nun vi ankaŭ povas fari viajn panojn!

Ingrediencoj:

  1. 500 gr da nerafinita faruno aŭ spelto.
  2. 325 ml da akvo
  3. 80 gr da olivoleo
  4. 1 kulero da sukero
  5. 10 gr da gisto
  6. 10 gr da salo
  7. Sezam- aŭ sunflorsemoj

Paŝoj:

  1. Miksi ĉiujn ingrediencojn en bovlo kaj formi la paston. 
  2. Sur tablo, knedu la paston ĝis ĝi estu glata (ĉ. 10 – 15 minutoj). Se vi ne emas knedi, kovru la paston per tuko kaj lasu ĝin ripozi du horojn.
  3. Elbovligu la paston kaj dispartigu ĝin en ok samajn pecojn.
  4. Faru bulojn per ĉiu peco de pasto.
  5. Sur fornoplato krovita de vegetaĵa fornpapero kaj ŝmirita de oleo, metu la dispecigitan paston lasante spacon inter ili. Milde premu la bulojn, per kuirpeniko akvumu ĝin kaj aldonu sezam-semojn. Mi ne havis sezamon, tial mi aldonis sunflor-semojn!
  6. Denove kovru ilin por plia duonhoro.
  7. Ĉi momente ŝaltu la fornon kaj lasu ĝin je 170 gradoj (338 gf). 
  8. Post duonhoro, metu ilin en la fornon ĝis ili estu orkoloraj. Miaj estis ene dum 45 minutoj proksimume.

Kaj la pano jam pretas!!! Ĝi estos utila por burgero kiun kie recepton mi baldaŭ publikigos!!!