Vegano kun bestaj fortoj

La kritiko de la moderna socio ofte temas pri la malekvilibra evoluo de la supercivilizita homo. La mensaj kapabloj estus pli estimataj ol la korpoj. La ampleksaj korpaj malsanoj en la evoluintaj landoj atestas ankaŭ la duarangecon de la korpo. Do, kial ne ankaŭ foje emfazi la atenton pri nia iom neklekta korpo, siaj ĝusta nutrado, ekzercado kaj elstaraj kapabloj. Patrik Babumjan estas unu el la ekzemploj de tiu vivmaniero. Li estas “Fortikulo”, kiu kapablis en 2013 levi la plej pezan pezon, kiun iam levis homo: 550 kilogramo, kiu egalas al pezo de granda ĉevalo. Kiel infano li elmigris kun sia armena familio de Irano al Germanio, kie li jam kiel junulo intersiĝis pri korpaj aktivecoj, kiel ekzemple halterlevo kaj korpokulturado. En 2011 li gajnis la titolon “La plej forta germano”. Dum Babumjan plibonigis siajn sportajn atingojn, li pensadis pri la ĝusta nutrado por si kaj konkludis, ke vegetara estus la plej utila. Poste, kiam li komprenis, ke la atingoj ankoraŭ plibonigendas, la tre ega bestamiko decidis fariĝi eĉ vegano per rezigno de ĉiuj bestaj produktoj. Li volis publike refuti la antaŭjuĝon, ke oni nepre bezonas bestdevenan manĝaĵon por sana homa nutrado kaj atingo de grandaj sportaj rezultoj. Nuntempe multaj pintatletoj same atestas liajn konvinkojn pri ĝusta nutrado kaj trende nutri sin vegane.

Jen artikolo de Jens Spillner, dankon pro kunlaboro!

VeganArto agas ĉeeste

DSCN1542La 2an de julio, en la kvartaldomo de Rangueil, en Tuluzo, Francio, okazis prelego-debato “Situacio de la pro-best-rajta hispana movado” kun proksimuma partopreno de dek homoj inter tuluzaj militantoj, esperantistoj kaj interesitoj. La temon prezentis Andy Hernandez, kunkreinto de VeganArto. La temo celis montri la defiojn de la hispanaj militantoj, la evoluon de PACMA kaj montrado de korfrapaj bildoj pri hispanaj festoj kie la bestoj estas kruele misuzataj kaj mortigataj. Dume kaj fine okazis arda debato kaj klarigo pri kelkaj konceptoj al ne veganoj. Oni multe parolis pri la politika partio PACMA (Partido Animalista Contra el Maltrato Animal)kaj pri diversaj organizoj kiuj kune batalas por akiri kaj konkeri la rajtojn al niaj amikoj, l
a bestoj. Kvankam la interkonsentita prelego temis nur pri la hispana animalista movado, je ĝia fino Andy H. povis rakonti pri sia engaĝiĝo en la

afero kaj pri la uzado de esperanto por diskonigi ĝin, precipe per la kreado de la retejo VeganArto.net. Poste ni ĉiuj manĝis kune.