Nutrado kaj sporto

Profitante la alvenon de la feritagoj povus esti bona okazo por kombini ĝin kun la sporto kiun ni plej ŝatas kun bona nutrado. Ĉi tiu kombinaĵo estos ideala por mobilizi kaj forigi la amasiĝintajn troigaĵojn dum la jaro.

Se ekzemple ni decidis fari tagan ekskurson sur la monton piede aŭ bicikle, ni devus antaŭvidi kion kaj kiam ni manĝos. La manĝaĵo ĝenerale devus esti sufiĉa por la ekzercado kiun ni tuj faros, tamen malpeza. Tio estas, nutraĵoj kiuj nutras nin, sed kies digestado ne forprenu tiom da energio kiun ni bezonos por la piedirado. Por tio ĉi estas rekomendataj naturaj, freŝaj kaj vigligaj nutraĵoj.

Antaŭekzerca manĝado:
Ĝia celo estos ke ĝi provizu sufiĉan energian rezervon, kaj mineralojn, kaj bonan kombinon de sukeroj por ke niaj muskoloj havu nutraĵon. • Misoa supo aŭ remineraliga supo. Vi povas maĝi ĝin varme, se la vetero tion postulas. Tio donos al ni bonan kvanton da mineraloj.

Se vi ne estas hejme, portu misosupojn en polvo. Tio povas esti valida kaj praktika eblo.

Nedikigaj grenoj, en kremo por matenmanĝo, aŭ kiel preferite, kune kun manpleno da sekigitaj fruktoj (nuksoj, migdaloj, sekvinberoj, abrikotoj…). Tiu kombino de la simplaj kaj kompleksaj karbonhidratoj, donos al ni gradojn de sukero en sango adekvataj por sportumado sen altaj kaj malaltaj energiaj problemoj.

Manĝaĵo dum la ekzercado: Ĉi tie ni provos konservi nian nivelon de la sukero en la sango, rekuperi la fluaĵojn, mineralojn, kaj ankaŭ refreŝiĝi. Nepre devos esti malpeza por ke ĝi ne enmiksiĝu kun nia celo.

• Peco de lokaj kaj sezonaj fruktoj povas esti ideala por refreŝiĝi dum ĝi donis sukerojn por iri pli rapide. Eblas akompani ĝin kun kelkaj nuksoj.
• Se vi volas ion pli substancan por piediri kelkajn horojn, kelkaj buloj el rizo kun la algoj norio kaj umeboŝio, malpeze provizos al ni ĉion, kion ni bezonas. Alia, eble pli praktika eblo, estos bona vegetara sandviĉo el bonkvalita pano akompanita kun legomoj, kiel laktuko, endivio kaj karoto. • Bona remineraliga supo el algo kombuo, el media temperaturo, estas ideala por repreni mineralojn kiujn ni perdis dum ekzerco.

Postekzerca nutrado: La celo ĉi tie estos repreni mineralojn kaj glikogenon (suker-rezervoj en nia korpo).
• Tuj finiĝinte, por refreŝiĝi kaj revigliĝi, freŝa frukto povas helpi, ĉu natura ĉu kirlita.
• Poste kiam ni estas trankvilaj, kaj nia metabolo revenas al normala ritmo, estas bona okazo por fari ĉefmanĝon. Ni povas komenci per bongusta misosupo, kiu rehavigos al ni mineralojn kaj preparos nin por pli bona absorbado de nutraĵoj. Poste telero kun bonkvalitaj cerealoj, verdaj legomoj por refreŝigi nin, (rondaj kaj elradikaj legomoj), kiuj nin malstreĉigu kaj havigu bonkvalitajn sukerojn kaj iujn proteinojn por nutri niajn muskolojn bone.

Por sane praktiki sporton, ni bezonas doni al nia korpo bonkvalitan brulaĵon kiu tute ne bezonas uzi energion rekte el niaj rezervoj. Tio estos esenca por eviti preni rapidajn sukerojn (sukerigitaj trinkaĵoj, dolĉaj pastoj, ktp) . Ĉi tio nur alportus al ni multan energion por mallonga tempo, okazigante la kutiman energio-stumblon, kaj favorigus la pluan perdon de mineraloj. La sporto se praktikita en modereco kaj taŭga por niaj ebloj estas tre sana por la koro kaj la korsistemo, samkiel por mobilizi kaj bruligi grason.

El la retejo de David Gasol

La laktaĵoj

Glas_melkLa homo estas la nura mamulo kiu daŭre trinkas lakton post infanaĝo. Ne nur tio, sed ankaŭ trinkas la lakton de alispeciaj mamuloj, kun aliaj trajtoj tre malsamaj al niaj.

Patrina lakto estas bongusta, riĉa je sukeroj por la propra evoluo de la beba nervosistemo, kaj kun la ĝusta kvanto de proteino, graso, mineraloj kaj vitaminoj kiujn la homo bezonas.

Logike, ĉiu besto produktas lakton por la bezonoj de sia propra specio. Unu bovido ĉe naskiĝo pezas ĉirkaŭ 40 kg kaj post semajnoj ĝi pezas pli ol 200 kilogramojn, multobligante la volumon. Pri tio, la bovina lakto kompare kun la homa lakto estas pli riĉa je proteino kaj graso.

Ĝenerale, lakto kaj laktaĵoj, fromaĝo kaj jogurto, agos en nia korpo okazigante: • Alergiojn. • Netolerecon. • Mukon kaj spirmalsanojn (astmo, sinusito, ktp).

• La kombinaĵo de malvarmo, lakto kaj sukero de la glaciaĵo ofte kaŭzas otiton. • Pro bioakumulado ni prenos ĉiujn antibiotikojn kaj hormonojn administritajn al bestoj. • Altan enhavon de saturitaj grasoj. Plejmulto el la fromaĝoj estas formitaj de pli ol 60 % da graso.

Tamen, la laktindustrio argumentas, ke lakto kaj ties derivaĵoj estas fontoj de kalcio kaj probiotikoj por nia intesta flaŭro.

La absorbado de kalcio en la korpo dependas de la ekvilibro de ĉi tiu kun aliaj mineraloj kiel magnezio kaj vitamino D. Bovina lakto estas malalta je magnezio kaj alta je fosforo, kiu malfaciligas la absorbadon de kalcio.

Kaj koncerne al probiotikoj, estas vero ke ili troviĝas en kelkaj fermentitaj laktaĵoj kiel jogurto. Tamen, en la naturo estas aliaj probiotikaj fontoj liberaj de graso kaj sukero. Estas la plantdevenaj fermentaĵoj, kiel ekzemple pikloj, saŭrkraŭto (acida brasiko), miso, tempeo, sojsaŭco, ktp.

Rilate la kalcion, la plej bona fonto de mineraloj kiujn la naturo povas proponi, nature ekvilibra, asimilebla al nia korpo, kaj libera je grasoj kaj toksinoj estas:

• Algoj (Nori , kombu , dulse , wakame , Arame , ktp .) .

• Semoj, precipe la sezamoleo aŭ ties derivaĵoj kiel sezama pasto aŭ kremo.

• Sekigitaj fruktoj, kiel migdaloj kaj nuksoj .

• Verda legomo riĉe je folioj kiel brokolo, brasiko, laktuko kaj aliaj.

• Legumenoj, speciale kikeroj.

En la mondo ekzistas homoj kiuj pro ekonomiaj, kulturaj aŭ religiaj kialoj ne konsumis laktaĵon en sia vivo, kaj tamen kreskas sanaj kaj fortaj, nek suferas spontanajn frakturojn, aŭ malfruiĝon en la ostiĝo. Tiuj popoloj suferas malpli da malsanoj kiel osteoporozo kaj trodikiĝo ol en evoluintaj landoj kie konsumado de laktaĵo estas ĉiutaga.

 

Artikolo el la retejo de David Gasol.

Ekologiaj nutraĵoj

imagesNuntempe ni povas trovi milojn da kemiaĵoj en la merkato, inter kiuj estas pesticidoj, sterkoj, kaj aliaj, por eviti plagojn kiuj povas detrui rikolton, akceli la procezon de kresko kaj maturiĝo, aŭ maksimume uzi la kulturgrundojn. Ĉi tiuj produktoj povas rekte aŭ malrekte eniri en nian korpon per manĝaĵo.

Estas vaste demonstritaj la negativaj efikoj de tiuj kemiaĵoj en la korpo. Tamen, ilia uzo estas nun ege vasta, eĉ plimulta, atingante nin pere de fruktoj kaj legomoj, aŭ nerekte pere de poluita akvo aŭ bestoj.

Tiuj substancoj ankaŭ amasiĝas en niaj histoj, renoj, hepato, ostoj kaj graso, ili rekte damaĝas niajn esencajn organojn, la nervosistemon, kaj hormonan aktivecon. Ili ankaŭ estas ofta kaŭzo de kancero kaj plialtigas la riskon je malsaniĝo.

Pro tiuj kialoj, tre gravas la kultivado kaj konsumado de organikaj legomoj. Nutraĵoj naturaj, sanaj, kaj kun ĉiuj la nutrigaj propraĵoj.

En la ekologia produktado ne estas uzataj kunmetitaj kemiaĵoj aŭ kemia adobo. Nek estas uzataj transgenaj aŭ genetike modifitaj organismoj .

Ekologia agrikulturo estas amika por la medio, kaj naturaj cikloj, subtenante la sanon de la tero, akvo, bestoj kaj la ekvilibron inter ili.

Danke al ĝia natura maturiĝ-procezo ĉe la arbo mem, ĝiaj enhavo de sukero, vitaminoj kaj mineraloj estas pli alta, kiu donas pli bonan kvaliton al la produktoj, kaj el organoleptika kaj nutriga niveloj.

Ĉiuj produktoj kiuj estis markitaj per la stampo, kiu apogas ilin kiel nutraĵon je ekologia kultivado, trapasos striktajn kontrolojn por fina akcepto.

Konsumi ekologiajn produktojn donas sanon al vi, kaj helpas la konservadon de la medio por ni mem kaj estontaj generacioj kiuj povos ĝui ĉi tiun planedon kiel ni konas ĝin.

Artikolo el la retejo de David Gasol.

5 konsiloj por maldikiĝi

adelgazar31•Plimultigi la manĝadon de freŝaj legomoj ĉiutage.

La freŝaj legomoj dispecigitaj kaj mallonge kuiritaj donos al ni vitaminojn kaj mineralojn, kaj ili estas idealaj por purigi nian korpon el grasoj kaj toksinoj. Ekzemple, leĝere frititaj verdaj fazeoloj, brokolfloroj brogitaj aŭ endivioj rostitaj. La legomoj el radikoj kaj rondaj kiel cepo, kukurbo, karotoj, aŭ la pastinako en pli longa kuirado, donos bonguston al niaj pladoj. La legomoj ĝenerale estas riĉaj je fibroj kiuj helpas plibonigi la intestan transiron. La manĝado de legomoj helpas la preventadon de kormalsanoj. Ili estas grava reguligilo de nia organismo kaj riĉas je antioksidantoj, nepraj en la kancerpreventado.

2•Maĉado:

Maĉi inter 30 kaj 50 fojoj, faciligos la digestadon, nin trankviligas kaj helpas aprezi multe pli bone tion, kion ni manĝas. Dependas de bona maĉado la kvalito de nia digesto kaj alpreno de la nutraĵoj. Cetere, ĝi rekte influas sur nian animstaton. Por tio oni ĉiam konsilas manĝi en trankvila etoso, sen premoj nek disputoj.

3•Vespermanĝi leĝere kaj frue. J

e la sepa aŭ kiel maksimume je la oka vespere. Tiu ĉi devus esti la plej leĝera manĝo de la tago, kun la celo kuŝi kiam la manĝaĵo jam estis digestita. Nia korpo gvidiĝas per vivritmoj kaj kiam la suno foriras kaj alvenas la nokto ĝi ne plu provizas certajn substantojn kiuj okupiĝas pri la digestado. Krome, nia organismo eniras en ripozfazon, des pli kiam ni iros dormi, kiam ni uzas malmulte da energio. Se ni malfrue kaj abunde manĝas, ĉio kion ni manĝas, kaj kion nia korpo en bezonas en tiu momento, transformiĝas en rezervaĵojn, tio estas, GRASO. Tio ankaŭ evitos oftajn digestproblemojn, pro dormado kun plenplena stomako, kiel ekzemple la matenaj stomaka ardo.

4•Eviti la desertojn.

Kiam ni manĝis unuan pladon kaj eĉ duan, nia korpo jam akiris ĉion kion ĝi bezonas. Se ni aldonas desertojn, eĉ se nur fruktojn, nia organismo ĝin klasigos kiel kroman energion kaj ĝin transformos en grason. Ĉi tiuj sukeroj nenecese aldonitaj malfaciligos la ĝustan alprenon de nutraĵoj kiujn ni antaŭe manĝis.

5•Kaj laste, sed en malpli grave, la fizika ekzercado aŭ gimnastikado.

Oni devus minimume ekzerci sin inter 20 kaj 30 minutoj tage per korpomovigaj ekzercoj kiuj helpas la moviĝon de la grasoj kaj tiel pli facile forigi ĝin el nia korpo pli rapide. Praktiku vian ŝatatan sporton, dancu aŭ promenu, ĉiam laŭ viaj kapabloj, ne konvenas troigi. Tiamaniere ankaŭ vi plibonigos la sanon de via koro.

 

Artikolo el la retejo de David Gasol