Burgero el kikeroj, aveno kaj kareo

Saluton amikoj! La mondo pri veganaj burgeroj estas senlima! Nur sufiĉas iom trarigardi vian manĝoŝrankon kaj tuj elpensi burgeron! Ni diru ke pli malpli tiel naskiĝis ĉi burgero. Nur 100 gramoj da kikeroj kuiritaj sen salo donas al ni karbonhidraton (kiu donas energion), dieta fibro (bona por la kora kaj digesta sano), proteinoj kaj grasoj, sed krome, ili donas al ni vitaminojn A, B6, C, E kaj K, kalcio, fosforo, kalio, zinko, magnezio, fero kaj natrio. Kaj la aveno estas alia bonega nutraĵo ĉar ĝi satigas, preventas kaj mildigas la mallakson, bona por homoj kun alta kolesterolo, preventadas la kanceron, favorigas la kreadon de nova histo kaj nia koro pli bone fartos!

Post tiuj sciencaj argumentoj por manĝi tiaspecan burgeron, kiu ja estas sana rapidmanĝaĵo, jen la recepto. Mi esperas ke vi ĝin ĝuos!

Ingrediencoj:

  • 400 gr da kuiritaj kikeroj
  • 100 gr da avenflokoj
  • 1/3 taso da faruno
  • 4 ajleroj tre fajne tranĉitaj aŭ kulereto da seka ajlo
  • 1 kulereto da kareo (pulvorigita)
  • 1 kulereto da kumino
  • 1/2 kulereto da nigra pipro
  • 1 kulereto da salo
  • 1/2 kulereto da natria bikarbonato
  • Olivoleo
  • Suko el unu citrono
  • Por la akompano: terpomoj, avokado, ruĝa cepo, eruko aŭ kio ajn plaĉu al vi!

Paŝoj:

  • Premu la kikerojn per premilo en ujo ampleksa.
  • Aldonu ĉiujn aliajn ingrediencojn kaj miksu bone farante samecan paston.
  • Dividu la paston farante bulojn, platigu ilin per via mano mem. Poste sur pato varma kaj kun iomete da oleo kuiru la burgerojn tri minutojn por ĉiu flanko 🙂

 

Strogonofo el terpomo, kukurbeto kaj ĉampinjono.

Strogonofo aŭ stroganofo estas rusa plado de la 19a jarcento, onidire, ĝin kreis ĉefkuiristo kiu laboris por la rusa militisto, duko Pavel Aleksandroviĉ Stroganov. Ĝi ekiĝis kadre de kuirkonkurso en Peterburgo. De tie ĝi disvastiĝis en Ĉinion, Usonon kaj Brazilon inter aliaj landoj! Kutime ĝi estas manĝata kun spagetoj aŭ rizo. Sed oni povas manĝi ĝin kun kio ajn oni deziru 🙂

La manĝaĵo tradicia enhavis viandopecojn de bovino, cepo, ĉampinjonoj kaj acidkremo. Poste la recepto suferis plurajn ŝanĝojn en pluraj landoj sed restis la ideo. Mi volas prezenti al vi tre facilan recepton kaj same bongustegan!

Por fari ĝin vi povas uzi haketitan viandon el sojo sed se vi ne havas ĝin, simple kun legomoj kaj ĉampinjonoj sufiĉas. Mi iom hezitis ne aldoni la sojviandon sed fine tre kontentis pri la rezulto! Ankaŭ mi mem faris la kremon el aveno, ĝi postulas nur avenflokojn kaj akvon!

Ingrediencoj:

  • 1 Kukurbeto (se ĝi grandas, nur la duono sufiĉos)
  • 1 mezgranda terpomo
  • 150 gramoj da ĉampinjonoj
  • 1 cepo
  • 2 ajleroj
  • 4 kuleroj da oleo
  • 4 kuleroj da mustardo
  • Duontaso da tomatsaŭco
  • Spicoj (laŭplaĉe)
  • Salo

Por la kremo:

  • 250 gramoj da avenflokoj kaj la duoblo da akvo.
  • Lasu ilin ripozi en la miksaparato dum 30 minutoj.
  • Post tio, kirlu kaj filtru ĝin kaj la kremo estas farita.

Preparmaniero:

  • 1- Senŝeligu la kukurbeton kaj la terpomon kaj faru malgrandetajn pecojn, kun kvadrateca formo estus pli bone. Same tranĉu la cepon sed ne kvadrate. Tranĉu ĝin pli longe kaj fajne! Laŭ la juliana tranĉostilo. Tranĉu lamene la ĉampinjonojn (ankaŭ eblas aĉeti ilin jam lamenigitaj)
  • 2- Aldonu iom da oleo en kuirpoto kaj aldonu la cepon kaj lasu ĝin friti kaj sekve aldonu la ajlerojn kaj la distranĉitan terpomon. Movu ĝin kaj post kelkaj sekundoj aldonu la kukurbopecojn, salon kaj spicojn laŭplaĉe kaj sekve aldonu la ĉampinjonjn.
  • 3- Aldonu nun la avenkremon kaj la tomatsaŭcon kaj la mustardon kaj bone kirlu ĝin por ke ĝi iĝu sameca.
  • 4- Kun tre malalta faro, aldonu al la kremo tomatsaŭcon kaj mustardon kaj ade kirlu ĝin de tempo al tempo ĝis kuiriĝo de la terpomoj kaj kukurbetoj!
  • 5- Servu ĝin prefere kun rizo aŭ spagetoj! Kaj ek! bonan apetiton!

Kneloj el avenflokoj kun tomatsaŭco kaj bazilio.

10428707_10206514339966968_8224843206165425999_n
Kneloj estas buloj kiujn oni tradicie faras el besta karno en multaj landoj el ĉiuj kontinentoj. Ili ankaŭ havas sian veganan varianton kiun oni faras el diversaj ĉef-ingrediencoj. Por nia recepto ni uzos avenon kaj ankaŭ eblas aldoni al ĝi sojon. Se vi diligente sekvas la paŝojn, la preparado estos facila, rapida kaj sukcesa! Ek!

Por la kneloj:

♥ 1 granda glaso da avenflokoj
♥ 1 ajlero
♥ duono el karoto
♥ duono el cepo
♥ 1 kulereto da ‘dolĉa’ papriko
♥ Iom da soj-saŭco
♥ 1 kulereto da kumino (pulvoro)
♥ duonkulereto da ajl-pulvoro
♥ 2 kuleroj da oliv-oleo
♥ salo
♥ pipro

Por la saŭco:

♥ 1 taso da tomatsaŭco
♥ 1 cepo
♥ 1 karoto
♥ 2 ajleroj
♥ 2 kuleroj da olivoleo
♥ 1 kulereto da sukero
♥ 10 folioj el freŝa bazilio

Por prepari la saŭcon nidevas tranĉi la cepon, la ajlon kaj la karoton kaj fritas ĝin sur fritilo (pato) kun du kuleroj da olivoleo. Kiam la cepo alprenu orkoloran aspekton ni povas ekaldoni la tomatsaŭcon, la bazilion, salon kaj sukeron. Ni lasu ĝin surfajre ĉirkaŭ 15 min. kaj ni kirlu de tempo al tempo kaj kiam ĝi estu preta, ni uzu kirlilon por havi samecan saŭcon.

Ni tranĉu la karoton, la cepon kaj la ajlon por la kneloj kaj ni fritu tion. Sekve, ni aldonu al la pato la avenflokojn kaj ĉiujn spicojn kaj ni leĝere fritu dum dek minutoj kaj dume ni kirlu de tempo al tempo. Se la pasto estas tre seka, ni aldonu iom da akvo.

Ni lasu ĝin malvarmiĝi iomete kaj poste ni kreu la bulojn kaj ni fritu ilin sur varma pato kun iom da olivoleo. Ni kovras la knelojn kun la saŭco kaj post duonhoro ni jam povas manĝi!

Burgeroj el aven-flokoj

Jen simpla kaj rapide farebla recepto por kuiri bongustajn burgerojn el aveno.

Ingrediencoj:

  • 250 ml da aven-flokoj
  • 1 karoto
  • 1/4 cepo
  • Iom da kumino
  • Iom da salo
  • Soj-saŭco (opcia)
  • Petroselo (opcia)

Paŝoj:
Unue sur pato varmigu la kuminon kaj la salon por intensigi ĝian guston. Poste fajne raspu la karoton, la cepo-pecon kaj miksu kun la aveno kaj faru paston knedante ĝin. Se ĝi tro sekas kaj ne kreiĝas la pasto, aldonu iomete da akvo aŭ sojsaŭco. Post kelkaj sekundoj aŭ minutoj da knedado oni povas fari la burgerojn. Varmigu iom da oleo sur la pato kaj fritu ilin.

Mi rekomendas manĝi ĝin kun pano por burgeroj kun tomato kaj laktuko, tiel ĝia gusto estas eĉ pli bona! Bonan apetiton!