Tradiciaj pankukoj

Salaton! Jam rapide alproksimiĝas la Sankta Semajno kaj en Hispanio oni tradicie preparas por ĉi datoj, pankukojn kiujn mi tre ŝatas kaj nepre volas kundividi kun vi la recepton! La tradicia recepto ne estas vegana ĉar ĝi kutime enhavas ovon kaj lakton sed la veganigo estas tute facila kaj la gusto ne multe ŝanĝiĝas.

Ingrediencoj:

  • 1 malnova, malseka pano. (prefere konservu panon de antaŭa tago).
  • 500 ml da vegetaĵa lakto (mi uzis sojlakton ĉar pli etkosta).
  • 100 gramoj da kiker– aŭ tritikfaruno.
  • 2 branĉetoj da cinamo.
  • 3-5 supkuleroj da pulvorigita cinamo.
  • 500 ml da plantoleo por fritado (mi rekomendas la sunflor-oleon).
  • taso da bruna sukero
  • Agav-siropo (opcie)

Paŝoj:

  • Unue ni devas varmigi la lakton kun la branĉetoj kaj kulero da agav-siropo. Post ekbolo ni metos ĝin en ujon kun ampleksa fundo kaj dum ĝi malvarmiĝas,
  • Ni tranĉos la panon diagonale farante plurajn tranĉaĵojn kiuj ne estu tro dikaj. Pli malpli kiel la dikeco de niaj fingroj.
  • Preparu la ŝmiraĵon: Aldonu al la faruno iom da akvo,  kaj kirlu, tiel ĝis vi ekhavos samecan paston, kiu ne estu tro densa sed ne tro maldensa. Se vi uzas kikerfarunon mi rekomendas aldoni kulereton da pom-vinagro.
  • Metu la panon en la ujon kun la lakto por ke ĝi trempiĝu bone, ambaŭflanke, sed zorgeme ĉar la pano povus diseriĝi.
  • Nun, en ampleksa pato (fritilo), varmigu la oleon.
  • Zorgeme prenu la panon, per viaj manoj iomete premu por forigi iom da likvaĵo, metu en la farunujon, ŝmiru bone ambaŭflanke kaj, kiam la oleo estu sufiĉe varma, fritu ĝis orkoloriĝo. Por la fritado uzu du spatelojn por aliflankigi ilin. Prefere fritu kiom ajn vi povos samtempe.
  • Lasu ilin sur kuirpapero por forigado de la troa oleo. Ŝmiru per miksaĵo el cinamo kaj sukero kaj se vi havas kaj volas pli dolĉajn pankukojn, aldonu ankaŭ agav-siropon.
  • Metu en la fridujon kaj lasu malvarmiĝi minimume unu horon! manĝu ilin kun la familio se multaj ĉar post kelkaj tagoj tro sekiĝas!

Vegana ĉorizo el sojviando!

Saluton amikoj! Kolbasoj estas unu el la plej oftaj manĝaĵoj troveblaj en multaj naciaj kuirartoj. Hodiaŭ mi proponas al vi fari ĉorizon, kiu estas tre populara paprika kolbaso ne nur en Hispanio sed ankaŭ en Latinameriko kaj Portugalio kaj en aliaj mondopartoj ankaŭ! Tiu ĉi recepto estas vere tre simpla kaj ne postulas tiom da tempo. Krome, ĝi estas tre sana, male al la tradiciaj kolbasoj, kiujn la Monda Organizaĵo pri Sano konsideras kaŭzantoj de kancero. Eble la nura komplikaĵo por multaj povus esti la aĉetado de la teksturigita sojviando. Ĝin mi trovas en Madrido en dietetikaj, ekologiaj kaj veganaj vendejoj, sed ankaŭ grandaj supermarktoj ofertas ilin. Ankaŭ ĉe Amazon.com troveblas kontraŭ bona prezo! Tiu ĉi sojviando ne nur utilas por la kolbasoj sed ankaŭ por kneloj kaj multaj aliaj receptoj!  

Ingrediencoj

(por 3 kolbasoj:)

  1. 80 gr. da fajna teksturigita sojo
    350 ml. da akvo
    6 kuleretoj da olivoleo
    4 kuleroj da tritikfaruno
    4 kuleroj da raspita pano
    2 kuleretoj da pulvorigita cepo
    2 kuleretoj da pulvorigita ajlo
    2 kuleretoj da seka origano
    2 kuleretoj da salo
    8 kuleretoj da paprikoj (1 aŭ 2 el ili povas esti pika papriko)
    3 kuleroj da sojsaŭco
  2. 2 kuleroj da likva fumo (opcie)

Paŝoj:

  • En bovlo ni miksu la fajnan teksturigitan sojviandon kun la ajlo, cepo, origano, salo kaj papriko. Aldonu varman akvon  por ke la sojviando teksturigita pli rapide  hidratiĝu. Movu ĝin per kulero por ke ĉio aldonita estu kovrita de la akvo.Post kelkaj minutoj ni povas alfoni la farunon, raspitan panon, oleon kaj sojsaŭcon. Ni miksu ĉion ĝis kreado de pli densa kaj alglueca pasto mane manipulebla. Se ĝi estus tre alglueca, aldonu iom pli da faruno aŭ raspita pano.

    Ni disigu la paston je tri samkvantaj partoj kaj enruligu ilin per plastfolio donante al ĝi la formon kaj dikecon de la tipaj ĉorizoj. Ni ŝnuru la ekstremojn  kvazaŭ karamelo kaj per ilo kun akra pinto ĝin kreu etajn fendojn por ke la aero eliru.

    Ni povas kuiri ĝin en akvo aŭ vaporo dum 30 minutoj.

    Lasu ĝin malvarmiĝi kaj elvolvu. Ĝi frostreblas post la kuirado.

    La ĉorizo povas esti fritita sur pato kun malmulte da oleo, tranĉu ĝin lamene aŭ manĝu tiel kiel farite. Eblas manĝi ĝin kun pano aŭ aldoni ĝin al kaĉo kun guŝoj kiaj kikeroj aŭ lentoj!

 

 

Lentoj kun ĉorizo

Lentoj kun la ĉirizo de ĉi supra recepto 🙂

Barcelono iĝis la unua ‘vegan-amika’ urbo en la mondo.

Barcelono sin deklaris ”urbo vegan-amika’’, tio estas, urbo amika al la vegetara kaj vegana kulturoj. Tiel aprobiĝis en la komisiono de Ekonomio kaj Financoj de la Urbodomo de Barcelono (Hispanio) en propono iniciatita de Respublika Maldekstro de Katalunio, kiu kalkulis je la voĉdonoj de la partioj Bcomú, CiU, PSC kaj la CUP kaj la sindeteno de Civitanoj kaj Popola Partio.

Per tiu ĉi aprobo, Barcelono akiris la devon akceli serion de agadoj por ke la urbo iĝu ”Veg-Friendly” (VeganAmika). Unu el ĉi tiuj ĉi estas la aliĝo al la internacia kampanjo ‘Senviandaj lundoj’ (Meat Free Monday) por ke la nutrado kiu venas el la registaraj instancoj de la urbo estu vegetara “volonte” ĉiun lundon.

Kreado de la ‘BCNvegPoint’ (vegana informejo pri veganismo en Barcelono) kaj nova vegetara gvidlibro.

Ĉi tiu interkonsento inkluzivas la kreadon de la ‘BCNvegPoint’ kiel renkontiĝejo por entreprenemuloj, neregistaraj organizoj, konsumantoj kaj investantoj kun la celo favorigi la etan kaj mezan lokan komercadon, proksima, vegana kaj vegetara, laŭ la teksto de la propono.

La publikigado de nova vegetara gvidlibro de Barcelono kaj la kreado de poŝtelefona aplikaĵo por informi la barcelonanojn kaj turistojn pri la vegetara kaj vegana komerco estas aliaj el la iniciatoj.

Alfred Bosch, prezidanto de la municipa grupo de Respublika Maldekstro de Katalunio, dankis al la grupoj kiuj subtenis la proponon kaj asertis ke “per tiu ĉi nova kompromiso Barcelono ree montras, kiel ĝi jam faris aliajn fojojn, ke ni estas avangarda urbo pri la respekto al la medio, la homoj kaj la bestoj”. Tamen, Popola Partio kaj Civitanoj sindetenisĉar ili konsideras ke tiu ĉi decido devus esti ”persona afero” kaj ke ĝi povus “limigi la liberecon pri manĝokutimoj”.