Kremo el eruko kaj kokoslakto

La eruko estas planto origina el la baseno de la Mediteraneo kaj en okcidenta Azio kaj ekde la romiaj epokoj ĝi estis rikoltata kiel sovaĝa herbo por diversaj uzoj. En la 90aj jaroj ĝi ekĝuis popularecon kaj ĝia kultivado iĝis grandskala. Ĝi ludas gravan rolon en la kuirartoj itala, franca kaj greka.

Erukon oni precipe uzas por salatoj sed ankaŭ kiel ideala ingredienco por varmaj pladoj kiaj rizo kaj pastaĵo. En Italio ĝi estas vaste uzata en picoj, aldonita post la fornumado. Ankaŭ ekzistas la “eruka pesto” (varianto de la populara saŭco pesto). En Maroko, ekzemple, ĝi estas uzata por la supoj.

Ĝia gusto estas amara kaj pika samtempe kaj estas bonega por plibonigi la digestadon kaj ĝi stimulas la digestajn sekreciojn kaj ĝi riĉas je vitamino C kaj fero.

Por tiu ĉi simpla kremo ni bezonos:

Ingrediencoj:

  • 3 terpomoj
  • 1 cepo
  • 2 manplenoj da eruko
  • Oleo
  • Spicoj kaj salo laŭplaĉe (petroselo, origano, kumino, kurkumo, laŭrofolio)
  • 1 doso da kokoslakto por kuirado 

Paŝoj:

  • Senŝeligu la terpomojn kaj distranĉu la cepon. Aldonu tri kulerojn da oleo al kaserolo kaj metu la terpomon kaj tranĉita, spicu ĝin kaj ne forgesu la salon.
  • Aldonu akvon nur ĝis kovrado de la terpomoj kaj lasu ĝin mezfajre ĝis la terpomoj estu jam kuiritaj. Aldonu la erukon kaj lasu dek minutojn pli je malalta fajro.
  • Kirlu ĝin kun la kokoslakto kaj servu! 

Noto: Se vi ne havas aŭ ne ŝatas kokoslakton, ne gravas 🙂 

 

                                                                                                                               Bonan apetiton!!!

Strogonofo el terpomo, kukurbeto kaj ĉampinjono.

Strogonofo aŭ stroganofo estas rusa plado de la 19a jarcento, onidire, ĝin kreis ĉefkuiristo kiu laboris por la rusa militisto, duko Pavel Aleksandroviĉ Stroganov. Ĝi ekiĝis kadre de kuirkonkurso en Peterburgo. De tie ĝi disvastiĝis en Ĉinion, Usonon kaj Brazilon inter aliaj landoj! Kutime ĝi estas manĝata kun spagetoj aŭ rizo. Sed oni povas manĝi ĝin kun kio ajn oni deziru 🙂

La manĝaĵo tradicia enhavis viandopecojn de bovino, cepo, ĉampinjonoj kaj acidkremo. Poste la recepto suferis plurajn ŝanĝojn en pluraj landoj sed restis la ideo. Mi volas prezenti al vi tre facilan recepton kaj same bongustegan!

Por fari ĝin vi povas uzi haketitan viandon el sojo sed se vi ne havas ĝin, simple kun legomoj kaj ĉampinjonoj sufiĉas. Mi iom hezitis ne aldoni la sojviandon sed fine tre kontentis pri la rezulto! Ankaŭ mi mem faris la kremon el aveno, ĝi postulas nur avenflokojn kaj akvon!

Ingrediencoj:

  • 1 Kukurbeto (se ĝi grandas, nur la duono sufiĉos)
  • 1 mezgranda terpomo
  • 150 gramoj da ĉampinjonoj
  • 1 cepo
  • 2 ajleroj
  • 4 kuleroj da oleo
  • 4 kuleroj da mustardo
  • Duontaso da tomatsaŭco
  • Spicoj (laŭplaĉe)
  • Salo

Por la kremo:

  • 250 gramoj da avenflokoj kaj la duoblo da akvo.
  • Lasu ilin ripozi en la miksaparato dum 30 minutoj.
  • Post tio, kirlu kaj filtru ĝin kaj la kremo estas farita.

Preparmaniero:

  • 1- Senŝeligu la kukurbeton kaj la terpomon kaj faru malgrandetajn pecojn, kun kvadrateca formo estus pli bone. Same tranĉu la cepon sed ne kvadrate. Tranĉu ĝin pli longe kaj fajne! Laŭ la juliana tranĉostilo. Tranĉu lamene la ĉampinjonojn (ankaŭ eblas aĉeti ilin jam lamenigitaj)
  • 2- Aldonu iom da oleo en kuirpoto kaj aldonu la cepon kaj lasu ĝin friti kaj sekve aldonu la ajlerojn kaj la distranĉitan terpomon. Movu ĝin kaj post kelkaj sekundoj aldonu la kukurbopecojn, salon kaj spicojn laŭplaĉe kaj sekve aldonu la ĉampinjonjn.
  • 3- Aldonu nun la avenkremon kaj la tomatsaŭcon kaj la mustardon kaj bone kirlu ĝin por ke ĝi iĝu sameca.
  • 4- Kun tre malalta faro, aldonu al la kremo tomatsaŭcon kaj mustardon kaj ade kirlu ĝin de tempo al tempo ĝis kuiriĝo de la terpomoj kaj kukurbetoj!
  • 5- Servu ĝin prefere kun rizo aŭ spagetoj! Kaj ek! bonan apetiton!

Glaciaĵo el bananoj kaj ruĝaj fruktoj

Jen recepto kiu egalas al juvelo: facile farebla, ege bongusta, sana kaj etkosta. Provu!!

Ingrediencoj:

      Bananoj dispecigitaj
      Fragoj
      Mirteloj
      Framboj

 

    Kromaĵoj (opcie): pecetoj da ĉokolado, nuksoj, sekvinberoj, daktiloj, raspita kokoso, aŭ kion ajn vi volas aldoni.
      Notoj: ĉiuj fruktoj devas esti frostigitaj, minimume dum ok horoj.
      Ĉi tiu glaciaĵo fareblas el multaj fruktoj, sed ĉiam la bazo estas la bananoj, kiuj donas la kremecan konsiston al ĝi. Vi povas uzi mangon kaj aliajn fruktojn laŭsezonajn.

Prepar-maniero:

      1. Meti la frostigitajn bananojn kaj aliajn fruktojn en la kirlilon ĝis kirlado. Tio estos dum 30 sekundoj. Prefere lasi la bananojn kelkajn minutojn ekster la frostujo por ke ili ne estu tre malmolaj je la kirlo-momento.
      Porte metu en ujon por manĝi kaj ornamu por plibelaspektigi ĝin. Por tio eblas diserigi fruktojn kaj aldoni.

 

    2. Poste servu en la ujoj kaj verŝu supre ĉion kion vi volos aldoni aŭ ne, ankaŭ eblas nur manĝi la bananojn.

Bonan apetiton!