Krudvegana pom-torto!

Jen krudvegana deserto, rapide farebla, facila, delica kaj sen aldonaj sukeroj nek artefaritaj sukeraĵoj. Tiu ĉi pom-torto estas sukerita kun daktiloj kaj naturaj sekvinberoj, kiuj riĉigas ĝin ankaŭ per pluraj avantaĝoj por nia organismo.

La daktiloj estas idealaj por sukeri nian torton ĉar ili havas sufiĉe da Beta-karoteno kiu transformiĝas en A-vitaminon en nia organismo. La A-vitamino nepras por la vidkapablo, la bonfarto de la haŭto, la hararo, la mukozoj, la ostoj kaj por la ĝusta funkciado de la imuna sistemo krom ĝiaj kontraŭoksidaj proprecoj. La daktiloj estas unu el la fruktoj plej riĉaj je mineraloj, speciale ili donas al ni kalion, feron, magnezion, fosforon, kaj kalcion inter aliaj. Ili ankaŭ enhavas sufiĉe da fibro, precipe solvebla (pektinoj kaj gumoj), kiuj reduktas la kolesterolon kaj iom malpli la nesolvebla kiu evitas aŭ preventas la mallakson.

Ingrediencoj:

300 gramoj da naturaj senkernaj daktiloj.ingredientes1
100 gramoj da senŝeligitaj nuksoj (aŭ migdaloj).
100 gramoj da sekvinberoj (laŭplaĉe).
6 Rened-pomoj (aŭ alian pomon).
1 kulero da cinamo-pulvoro
1 kulereto da  muskato-pulvoro.
4 kuleroj da akvo.
4 folioj el mento (laŭplaĉe).

Iloj:
Kirlilo
Sup-kulero.
Senkernigilo. (ne nepras)
Kvadrata muldilo.
Spatelo el silikono. (ne nepras)

 

Far-maniero:

Ni metos 150 gramojn da daktiloj en la kirlilo kune kun 100 gramoj da nuksoj kaj 100 gramoj da sekvinberoj. Ni kirlados ĝis atingo de sameca pasto.
paso-11-a paŝo: Ni metos kvar kvadratajn muldilojn en la centro de kvar plataj teleroj kaj disigos la paston en la muldiloj kaj ni premos per la silikona spatelo ĝis kreado de firma bazo.

paso-2

 

2-a paŝo: Ni senkernigos kaj senŝeligos du pomojn. Ni kvaronigos ilin kaj kirlos kun la cetero el la daktiloj (150 gramoj), kulereto da pulvor-cinamo, kulereto da pulvor-muskato kaj kvar kuleroj da akvo, kaj ni kirlu ĝis kreado de fajna kremo.

 

paso-3

3-a paŝo: Ni dismetos la kremon sur ĉiu bazo troviĝanta en la muldilo kaj disfaldos ĝin per la spatelo kaj konservos la ceteron por denove uzi en posta paŝo.

paso-4

 

4-a paŝo: Ni senkernigos kaj senŝeligos la aliajn du pomojn. Ni duonigos kaj tranĉos ilin je fajnaj lamenoj.

paso-5

5-a paŝo: Ni metos unuforman tavolon da fajnaj lamenoj sur la kremo de ĉiu muldilo kaj ni konservos la ceteron. Poste, ni kovros la tavolon el pomo per alia kulero da kremo kaj disfaldos ĝin per la spatelo.

paso-6 (1)

6-a paŝo: Zorgeme ni devas forigi ĝin el la muldilo. Por fini, ni ornamas la torton per mento-folioj! kaj ek! jam nia bongustega deserto pretas!

paso-7

Bonan apetiton!

 

Krud-vegana braŭnio

Braŭnio (angle Brownie) estas mia propra esperantigo de la tradicia usona eta torto. Ĝin oni ankaŭ povas prepari vegane kaj eĉ krudvegane! “Krudvegane signifas ke ĉiuj ingrediencoj uzitaj estas vegetaĵaj kaj uzataj en sia natura stato. Braŭnio estas ideala dolĉaĵo por servi je la teo-horo, por vizitantoj, en matenmanĝo aŭ deserto post manĝoj.

Ingrediencoj:

ĉiuj ingrediencoj uzitaj

Ĉiuj ingrediencoj uzitaj

  • 2 tasoj da sekaj fruktoj (povas esti aveloj, nuksoj, migdaloj, ĉiuj mikse aŭ unuope kun sekvinberoj laŭplaĉe)
  • 2 tasoj da daktiloj
  • 8 kuleroj da pura, sensukera kakao-pulvoro
  • 5 kuleroj da kokos-oleo (se vi ne havas kokosoleon, uzu alian vegetaĵan oleon kiu ne donu fortan odoron kaj guston kiel la olivoleo donas.
  • 4 kuleroj da raspita kokoso (laŭplaĉe)
la bazo en la muldilo

La bazo en la muldilo

Paŝoj:

La braŭnio fariĝas per du simplaj paŝoj:

En la unua ni celas krei  bazon. Por tio ni devas preni la 2 tasojn da sekaj fruktoj (kiuj tamen devas esti dum tuta tago sub akvo por aktivigi ilin) kaj kirli (sen akvo!). Poste kirlu ankaŭ la aktivigitajn daktilojn kaj aldonu al la pasto. Aldonu 4 kulerojn da kakao-pulvoron kaj 4 kulerojn da raspita kokoso se tion vi volas kaj kirlu plian fojon. Knedu kaj disfaldu ĝin sur muldilo. Ĝi ne povas kovri la tutan muldilon, devas resti spaco por la kovraĵo ĉokolada. Kovru ĝin kaj konservu en la frostujo de la glaciŝranko dum almenaŭ unu horo.

Post la horo, faru la supran parton de la braŭnio. Prenu 1 tason kaj duono da daktiloj aktivigitaj, aldonu la kulerojn da kakao-pulvoro (4) kaj la 5 kulerojn da kokos-oleo kaj aldonu akvon laŭplaĉe sed atentu ne tro aldoni akvon por ke ĝi ne iĝu tro likva. Kirlu bone, ĝis kreado de homogena ĉokolada kremo kaj disfaldigu ĝin sur la bazon de la braŭnio.

Metu denove en la frostujon por plia horo kaj poste lasu en la fridujo kaj jam pretas por manĝi!! Por doni pli belan aspekton vi povas ĝin beligi per supra ornamaĵo: povas esti kokos-raspitaĵo (kiel videblas en la ĉef-bildo), eroj da malmola ĉokolado, frukteroj, ktp, ĉio laŭ via imago, lasu ĝin flugi!!!

 

 

 

Salato el florbrasiko

Kiam oni manĝas krude (krudvegane) oni glutas ĉiujn proprecojn de la legomoj kaj tiel ili pli utilos al la bona funkciado de nia korpo. Tial ĉiam ni provu manĝi salatojn kaj variantojn de tradiciaj manĝaĵoj kiuj estas krude preparitaj. La jena recepto estas bona ekzemplo. Ĝi konsistas el bunta salato, kun saŭca akompano el beto, kies ĉefa ingredienco estas la florbrasiko.

Ingrediencoj:

  • Florbrasiko
  • Karoto
  • Tomato
  • Kukumo
  • Koriandro
  • Flava kapsiko

Por la saŭco::
Beto
Ajlero
1 taso da enakvigitaj nuksoj (dum tuta tago lasu la nuksojn subakve por ‘aktivigi’ ilin).
Akvo

Paŝoj

  • Unue la kvanto da flobrasiko, karoto, tomato, kukumo, koriandro kaj flava kapsiko (laŭplaĉe) dependos de la manĝontoj. Raspu la florbrasikon (kruda) kaj la karoton, fajne tranĉu la tomaton, la kukumon, la kapsikon kaj la koriandon kaj ĉion metu en saman ujon.
  • Por la saŭco prenu krudan (se ne eblas trovi krudan, uzu do la kuiritan) beton, akvon (kvanto laŭplaĉe), aktivigitajn nuksojn kaj ajleron. Se vi volas, ankaŭ aldonu iom da mar-salo. Kirlu ĉion ĉi ĝis akirado de sameca saŭco.

Verŝu la saŭcon sur la salaton kaj ek! Jen tre nutriga manĝaĵo por la tagmanĝo aŭ por alia momento en la tago!!!

Glaciaĵo el bananoj kaj ruĝaj fruktoj

Jen recepto kiu egalas al juvelo: facile farebla, ege bongusta, sana kaj etkosta. Provu!!

Ingrediencoj:

      Bananoj dispecigitaj
      Fragoj
      Mirteloj
      Framboj

 

    Kromaĵoj (opcie): pecetoj da ĉokolado, nuksoj, sekvinberoj, daktiloj, raspita kokoso, aŭ kion ajn vi volas aldoni.
      Notoj: ĉiuj fruktoj devas esti frostigitaj, minimume dum ok horoj.
      Ĉi tiu glaciaĵo fareblas el multaj fruktoj, sed ĉiam la bazo estas la bananoj, kiuj donas la kremecan konsiston al ĝi. Vi povas uzi mangon kaj aliajn fruktojn laŭsezonajn.

Prepar-maniero:

      1. Meti la frostigitajn bananojn kaj aliajn fruktojn en la kirlilon ĝis kirlado. Tio estos dum 30 sekundoj. Prefere lasi la bananojn kelkajn minutojn ekster la frostujo por ke ili ne estu tre malmolaj je la kirlo-momento.
      Porte metu en ujon por manĝi kaj ornamu por plibelaspektigi ĝin. Por tio eblas diserigi fruktojn kaj aldoni.

 

    2. Poste servu en la ujoj kaj verŝu supre ĉion kion vi volos aldoni aŭ ne, ankaŭ eblas nur manĝi la bananojn.

Bonan apetiton!