Gepatroj de veganaj infanoj povus esti enkarcerigitaj en Italio

Laŭ la itala tagĵurnalo La Repubblica, la iniciato prezentita de la deputito Elvira Savino de la partio Forza Italia antaŭvidas du jarojn en karcero por la gepatroj se la infanoj estas mapli ol tri jaraĝaj, ĉar ĝi celas “meti finon al la senprudentaj kaj danĝeraj nutriciaj kondutoj”.

La parlamentanino diris ke la projekto ampleksiĝas al ĉiuj dietoj kiuj ne enhavu “esencajn elementojn por la kreskado”.

Tiu ĉi propono estigis fortan naciskalan debaton, post la prezentado de kazoj de infanoj enhospitaligitaj pro subnutriĝo, pro kio la instancoj pri justico diris ke la malpliaĝuloj devus manĝi viandon almenaŭ unu fojon semajne.

Denove ni trovas la antaŭjuĝojn de homoj kiuj tute ne scias pri nutrado! Ĉiutage multaj infanoj suferas la konsekvencojn de la neplanita manĝado kiun la gepatroj donas al ili. Hospitaloj plenplenas je multaj infanoj sed ĉiuj silentas. Tamen, povas esti tutmonde malpli ol kvin kazoj je subnutritaj infanoj kaj ili iĝas novaĵo. La parlamentanino aŭ kaŝas aŭ ignoras la publikigaĵojn de multaj prestiĝaj institucioj* pri dieto kaj nutrado, kiuj diris ke la vegana vivstilo (dieto) taŭgas eĉ dum gravediĝo, la mamnutrado kaj la infanaĝo. Ili rekomendas bone plani la dieton, ke ĝi inkluzivu certajn havendajn vitaminojn kiaj Vitamino B12 kiu ne troveblas nature en vegetaĵaj manĝaĵoj sed multaj el ili estas riĉigitaj, ekzemple, la sojaĵoj kaj multaj vegetaĵaj ”laktoj”.

Se ni volas ŝanĝi la nunan situacion kiun la bestoj suferas, tio devas komenciĝi jam ĉe la novaj generacioj, kiuj estas pli sentivaj rilate al ĉi afero. Laŭ diversaj statistikoj, veganismo multe kreskas en landoj kiaj Germanio, Britio, Usono kaj Hispanio ĉefe inter junaj homoj (15-34 jaraĝaj). En tiuj ĉi landoj ankaŭ disfloras veganajn komercejojn kaj riĉan kaj abundan literaturon, inter kiuj, gvidlibrojn por varti sanajn infanojn. Sed ne nur libroj, ankaŭ forumoj, eventoj kaj aŭdvidaĵoj helpas kaj kuraĝigas la gepatrojn por ke la idoj kresku sanaj, veganaj kaj feliĉaj!

*La plej grandaj organizoj de profesiaj nutriciistoj garantias la striktan vegetaranan nutradon. la Akademio de Nutricio kaj Dietoscienco de Usono (antaŭe Usona Dieta Asocio), kun pli ol 67.000 profesiuloj pri nutrado, diras ke: «La vegetaranaj dietoj adekvate planitaj, inkluzive de la tute vegetaranaj aŭ veganaj, estas sanaj, nutricia taŭgaj kaj povas esti bonaj por la sano en la preventado kaj traktado de certaj malsanoj. La bone planitaj vegetaranaj dietoj estas konvenaj dum ĉiuj etapoj de la vivciklo, inkluzive de la gravediĝo, mamnutrado, infanaĝo kaj adoleskeco, kaj por atletojs». Multaj aliaj organizoj ankaŭ subtenas la vegetaranan nutradon: la Departamento de Agrikulturo de Usono (USDA), la Asocio de Dietistoj de Kanado, la Dieta Asocio de Nov-Zelando, la Monda Fondaĵo por la Esploro de Kancero, la Usona Instituo por la Esploro de Kancero, la Usona Akademio de Pediatrio, la Hispana Federacio de Dietistoj-Nutriciistoj, la Komitato de Kuracistoj por Responsa Medicino, la Monda Organizo pri Sano kaj aliaj.

Veganiĝi, paŝon post paŝo.

Ni decidas veganiĝi pro multaj diversaj kialoj. Pro la sufero kiun ni okazigas al la bestoj, pro nia sano kaj ankaŭ pro la medio. Jes, ni decidis iĝi veganoj sed tuj aperas niaj unuaj duboj kaj hezitoj: “Kiel eki?” “Ĉu estos bone por mia sano?” Bona informado kaj laŭgrada transiro por faciligi vian novan vivstilon certe vin helpos en via veganiĝo kaj en la akirado de bona sano.

La emo iĝi vegano alfrontas akran realecon. Malfacilas tuj transiri de ĉiomanĝa dieto al alia sen bestodevenaj produktoj de unu tago al alia samkiel ni ŝanĝas niajn vestojn. La rifuzo al manĝaĵoj kiujn ni konsumis laŭlonge de nia vivo kaj kiuj restos ĉirkaŭ ni postulas persiston.

Elekti rapidan vojon:

“Post la spektado de la dokumentfilmo Making the connection, dum la semajnfino mi pripensadis la aferon kaj lunde decidis ne plu manĝi viandon, lakton aŭ mielon”, tion rakontas Sabrina, tre aktiva reklamisto.

La subita transiro estas opcio kiu donas al ni tujajn plaĉojn, precipe se ni suferas sanproblemojn kiuj rilatas al la forlasintaj manĝaĵoj:

· Ni ekmaldikiĝas kaj sentas nin pli leĝeraj.

· Malaperas la digestaj aŭ spiraj ĝenoj kaŭzitaj de la laktaĵoj.

· Mildiĝas nia kulpo pro kontribuo al besta sufero.

Ankaŭ ekzistas malavantaĝoj: · Komence oni povas senti sin malforta. Tio povas esti sensacio baziĝinta sur fiziologia realo se la dieto ne estas varia kaj ekvilibrigita, aŭ simple nur sento pro la necerteco.

· Anstataŭinte la proteinojn kaj grasojn el besta deveno povas okazi reagoj kun simptomoj kiaj kapdoloro, akneo, laciĝo aŭ iritiĝo. La digesta sistemo povas suferi pro la lavango da fibro; ŝveliĝo, furzoj aŭ troaj intestaj movoj.


· Ni povas fari ĝenajn erarojn. Ekzemple, ni elektas manĝaĵojn kiu ne estas bestodevenaj sed kiam ni alkutimiĝis al ili ni malkovras ke ili enhavas ne tro sanajn manĝ-aldonaĵojn. Aŭ ni ekvidas ke la vegetaĵaj manĝaĵoj kiun ni uzas ne donas al ni la sufiĉan kvanton de vitaminoj kiaj la B12.

La malrapida vojo, sed sekura


Jon estas la paro de Sabrina kaj elektis veganiĝi iom post iom: “Mia estmaniero igas min esplori kaj gustumi trankvile ĉiun modifon kiun mi enkondukas en mian vivon. Mi ne scias ĉu mi iĝos perfekta vegano, sed mi fajfas pri la etikedoj”.

Por la plejmulto la moderita transiro iĝas malpli streĉiga kaj evitas erarajn decidojn. Inter la avantaĝoj:

· Trovi alternativon al ĉiu produkto bestodevena ne iĝas problemo. Ekiĝas, ekzemple, anstataŭante la viandon pere de tofuo, sejtano, novaj pladoj el guŝoj… En tiu transira epoko ni povas pluserĉi informojn, kompari produktojn, fari demandojn…

· Ni sentos nin sekuraj kaj ne kulpigos la fizikajn ĝenojn al la forlaso de la viando.


Pliprofundigi pri la vegana mondo

Kvankam ni kredas ke nia decido havas plurajn pravajn kialojn, oni devas legi, spekti dokumentfilmojn kaj babili kun aliaj persnoj pli spertaj por scii pli ĉiutage. Tiu ĉi scio nin helpas por ke la ĉiutagaj decidoj estu pli koheraj kaj simplaj.

· Ne ĉiuj ni estas samaj. Pro diversaj kialoj, klkaj decidas limigi sian veganismon al la nutrado, sed temas pro etiko kiu ampleksiĝas al ĉiuj sferoj de nia vivo: vestado, higieno, ŝatokupoj, aktivismo…

· Vegana sed sana. Ni povas esti veganoj sed havi kaosan kaj malsanan dieton kiu povas okazigi malsanojn. Ni ne forgesu ke veganismo ne estas dieto, simp,e tema spri la rifuzo manĝi kion ajn se tio enhavas bestaĵojn. Ni devas elekti sanajn, naturajn kaj buntajn manĝaĵojn. Ni devos lerni ĝui la manĝadon de legomoj, guŝoj, fruktoj kaj aliaj veganajn manĝaĵoj.

· Eksperimenti en la kuirejo. Alia grava scenejo en nia nova vivo estas la kuirejo: veganiĝi signifas ankaŭ pasigi pli da tempo en ĝi, lerni novajn teknikojn kaj receptojn.

· Eblas manĝi eksterhejme. La veganiĝo ankaŭ enhavas socian aspekton. Ni povas krei nian liston de veganaj, vegetaranaj kaj veganamikaj restoracioj kiuj troviĝas je nia ĉirkaŭo. En ili ni povas gustumi novajn manĝjaxojn kaj novajn receptojn kiujn poste ni povas fari hejme.

· Help-asocioj. La asocioj de veganoj por la defendo de bestoj estas renkontiĝejo por esti pli informitaj kaj kundividi spertojn.

Kun la skribilo ĉemane: Farante listojn oni multe lernas. Ni vidos kiuj nutraĵoj havas rilaton kun la besta sufero. Kelkaj fabrikantoj de blanka sukero, ekzemple, uzas karbigitajn ovojn por blankigi ĝin.

· Amikaj vegetaloj. Inter la sekaj fruktoj ni malkovros la kaĵu-nuksojn; ili utilas por kreado de fromaĝoj, saŭcoj kaj eĉ la bazo de krudveganaj kukoj. Aliaj semoj tre utilaj estas tiuj de kukurbo, lino kaj sezamo (precipe la tahino-pasto, tre riĉa je kalko) kaj la migdaloj. Kiel protein-fonto vi malkovros la utilecon de la kvinoo, la guŝojn kun cerealoj, tofuonsejtanon inter aliaj. Kaj la vegetaĵaj laktoj por trinki en kirlaĵoj, kun kafo, solaj aŭ por la ellaborado de desertoj kaj fromaĝoj, samkiel kremoj por kuiri.

· Fermentaĵoj. En via listo ne pova malmanki la jogurtoj el sojo, la tempeo kaj fermentitaj legomoj kiaj acida brasiko, misoo. soj-saŭcokimĉio. Kun siaj vivaj bakterioj, ili preventas la modifiĝon de la intesta mikrobioto

· Semajna planado. Dediĉu iom da tempo por plani viajn manĝaĵojn de tuta semajno. Prefere ne faru tro ambiciajn planojn. Por la komenco elektu du aŭ tri tute veganajn tagojn, kun du antaŭaĵoj ĉiusemajne. Ekzemple, soj-jogurto anstataŭ tiu el bovinlakto.

· Paŝon post paŝo pli longe ni iros. Kiam ni adaptiĝos al la ŝanĝoj, ni serĉu novan celon, kiel anstataŭi la fiŝaĵojn aŭ la fromaĝon.

Via grava decido ja kontribuos pozitive al via bonfarto korpa kaj mensa, al la bonfarto de la bestoj kaj de nia planedo!

Granda resumo: antaŭ ol ekveganiĝi, informiĝu pri tio, kio estas veganismo kaj laŭgrade transiru! Bonan veganiĝon!

Cikonio flugas 8000 km ĉiujare por viziti sian amatinon kiu ne povas flugi.

Klepetan estas vircikonio enamiĝinta al la cikonio Malena, kiu vivas en la tegmento de Kroatio kaj kiu ne povas flugi ekde 1993 kiam ŝi estis atakita de ĉasisto. Tial, la ĉefrolulo de ĉi tiu amhistorio ĉiam revenas en la sama tago de marto ekde Sudafriko, kien ĝi migras dum vintro, norde de la kroata teritorio en printempo, por pasigi tempon kun sia amatino, fluginte 8.000 kilometrojn en ĉiu vojaĝo.

Siaflanke, Malena vivas en nesto kreita de profesoro kiu trovis ŝin kuŝanta sur ŝoseo kaj zorgis pri ŝi. Fakte, la nesto troviĝas sur lia domo, laŭ publikigaĵo de Daily Mail. Malena ne plu havis alian paron post la akcidento, kvankam aliaj vircikonioj ŝin svatis.

Barcelono iĝis la unua ‘vegan-amika’ urbo en la mondo.

Barcelono sin deklaris ”urbo vegan-amika’’, tio estas, urbo amika al la vegetara kaj vegana kulturoj. Tiel aprobiĝis en la komisiono de Ekonomio kaj Financoj de la Urbodomo de Barcelono (Hispanio) en propono iniciatita de Respublika Maldekstro de Katalunio, kiu kalkulis je la voĉdonoj de la partioj Bcomú, CiU, PSC kaj la CUP kaj la sindeteno de Civitanoj kaj Popola Partio.

Per tiu ĉi aprobo, Barcelono akiris la devon akceli serion de agadoj por ke la urbo iĝu ”Veg-Friendly” (VeganAmika). Unu el ĉi tiuj ĉi estas la aliĝo al la internacia kampanjo ‘Senviandaj lundoj’ (Meat Free Monday) por ke la nutrado kiu venas el la registaraj instancoj de la urbo estu vegetara “volonte” ĉiun lundon.

Kreado de la ‘BCNvegPoint’ (vegana informejo pri veganismo en Barcelono) kaj nova vegetara gvidlibro.

Ĉi tiu interkonsento inkluzivas la kreadon de la ‘BCNvegPoint’ kiel renkontiĝejo por entreprenemuloj, neregistaraj organizoj, konsumantoj kaj investantoj kun la celo favorigi la etan kaj mezan lokan komercadon, proksima, vegana kaj vegetara, laŭ la teksto de la propono.

La publikigado de nova vegetara gvidlibro de Barcelono kaj la kreado de poŝtelefona aplikaĵo por informi la barcelonanojn kaj turistojn pri la vegetara kaj vegana komerco estas aliaj el la iniciatoj.

Alfred Bosch, prezidanto de la municipa grupo de Respublika Maldekstro de Katalunio, dankis al la grupoj kiuj subtenis la proponon kaj asertis ke “per tiu ĉi nova kompromiso Barcelono ree montras, kiel ĝi jam faris aliajn fojojn, ke ni estas avangarda urbo pri la respekto al la medio, la homoj kaj la bestoj”. Tamen, Popola Partio kaj Civitanoj sindetenisĉar ili konsideras ke tiu ĉi decido devus esti ”persona afero” kaj ke ĝi povus “limigi la liberecon pri manĝokutimoj”.

Veganaj mafinoj kun ĉokolad-gutoj

La mafinoj (”muffins” en angla lingvo) estas vaste konata kuketo, sufiĉe bongusta kaj taŭga por diversaj manĝoj. Tiu ĉi recepto estas sufiĉe leĝera kaj sana kaj tra facile farebla. Entute ĝi postulos inter 30 kaj 40 minutoj! El ĝi povas estiĝi eĉ 12 mafinoj, sed tio dependos de viaj ujoj. Mi uzis iom grandajn ujojn kaj rezulte mi havis nur 6, sed grandegaj!

INGREDIENCOJ

  1. 4 maturaj bananoj
  2. ½ taso da vegetaĵa lakto (mi pli ŝatas uzi migdal-lakton) – (122 g)
  3. 2 ½ tasoj da tritikfaruno (se ĝi estus nerafinita eĉ pli bone) – (375 g)
  4. 1 kulereto da hidrokarbonato
  5. ½ taso da bruna sukero (95 g)
  6. ¼ taso da olivoleo aŭ kokosoleo (50 g)
  7. 1 kulereto da vanil-aromo (opcie)
  8. ½ taso da ĉokolad-gutoj (90 g) -se vi ne trovas ilin ĉe vi, prenu ĉokolad-nugaton kaj distranĉetu ĝin en pecojn kiel anstataŭaĵon.

PAŜOJ

  1. Varmigu la fornon je 180ºC aŭ 355ºF.
  2. Kirlu la bananojn kaj la vegetaĵan lakton per kirlilo kun la sukero, la vanil-aromo kaj la oleo.
  3. En granda ujo miksu la kirlaĵon kun la faruno kaj la hidrokarbonato. Movu ĉion bone ĝis atingo de sameca pasto sen grumeloj. Aldonu la ĉokolad-gutojn aŭ pecetojn kaj ree movu ĝin.
  4. Ŝmiru per oleo aŭ margarino (vegetaĵa butero) la muldilon kaj preskaŭ plenigu ĝin da pasto. Se vi uzas silikonajn muldilojn, la ŝmirado povas esti opcia. Laŭplaĉe aldonu pliajn pecetojn da ĉokolado en la supro por plibeligi ĝin.
  5. Metu ilin en la varman fornon dum 25 aŭ 30 minutoj. Se vi hezitas, zorgeme fendu lignan aŭ metalan bastoneton kaj se ĝi elirus pura, jam tute pretus la mafinoj. Lasu ilin malvarmiĝi por eligi el la muldilo kaj posta manĝado!

                                                                                                                                                               Bonan apetiton!!!

Burgos-stila nesangokolbaso

Mi devas konfesi ke mi ne estas speciala ŝatanto de kolbasoj. Tamen, ekde mia veganiĝo mi ĝuas krei aŭ kopii receptojn kaj adapti ilin laŭ miaj preferoj. Veganoj rifuzas manĝi bestodevenajn manĝaĵojn sed tio ne signifas ke ni ne povas ĝui bonegan nesuferigan manĝaĵaron. Kolbasojn oni tradicie faras el restaĵoj de bestoj, precipe porkoj kaj bovoj. Jen ni volas montri al vi pli sanan kaj same bongustan ‘ne’sangokolbason kiu imitas tradician faman kolbason el la hispana provinco kaj urbo nomataj Burgoso. Se vi estas hispano kaj/aŭ iam gustumis ĝin, vi certe aprezos ĝian veganigan formon! 

Ingrediencoj:

  • 250 gramoj da nigraj fazeoloj kuiritaj
  • 200 gramoj da kuirita rizo
  • ½ cepo
  • 50 gramoj da tritikfaruno (despli bone se oni uzas la glutenon)
  • 40 gramoj da raspita pano
  • 2 kuleretoj da pulvorigita ajlo
  • ½ kulereto da salo
  • ½ kulereto da nigra pipro
  • Olivoleo laŭplaĉe
  • Plastfolio

 

Paŝoj

  • Ni kirlu la fazeolojn kun unu aŭ du kuleroj da ĝia kuirita akvo ĝis atingo de pasto. Eblas kuiri ilin aŭ eĉ pli rapide se oni aĉetas dosojn.
  • Ni tranĉu tre fajne la cepon kaj fritu per pato kun iom da oleo.
  • En bovlo ni miksu la fazeolan paston kun la rizo, la cepo, la gluteno aŭ tritikfaruno, la raspita pano, la pulvorigita ajlo (kiu eblas aŭ anstataŭi aŭ tute forigi), la salo kaj la nigra pipro. Ni bone knedu ĉion ĝis kreado de sameca pasto. Se la pasto rezultiĝas tre seka, eblas aldoni iom da likvaĵo de la nigraj fazeoloj kuiritaj kaj se mola pasto, pli da faruno aŭ gluteno.
  • Kiam la pasto estu mola sed ne algluiĝema en la manoj, ĝi jam pretas. Ni disdividu en pecojn, longigu kaj donu kolbasan formon envolvante ilin en la plastfolion, kiu devos esti ŝnurita ĉiuangule, imitante la tripojn de la tradiciaj kolbasoj.
  • Ni kuiru la kolbasojn dum 30 minutoj, eblas plenigi poton da akvo aŭ per vaporo. Mi pli ŝatas per vaporo sed se vi ne havas la ilon por tio, elektu la alian. Post tiuj 30 minutoj, ni forigu lasu ilin malvarmiĝi kaj ili pretas por esti manĝataj! Ne forgesu elvolvigi ilin por la kuirado!

 

                                                                                                                                       Bonan apetiton!!!